مەملەكەت باسشىسى زاڭسىز يەمدەنىلگەن اكتيۆتەردى قايتارۋ ماسەلەسى جونىندە كەڭەس وتكىزدى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
جيىنعا پرەمەر-مينيستر ءاليحان سمايىلوۆ، پرەزيدەنت اكىمشىلىگىنىڭ باسشىسى ولجاس بەكتەنوۆ، ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ، پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ جانە باس پروكۋراتۋرانىڭ باسشىلىعى قاتىستى.
مەملەكەت باسشىسىنا كەڭەستىڭ كۇن تارتىبىندەگى ماسەلە بويىنشا قابىلدانىپ جاتقان شارالار مەن بۇعان دەيىن بەرىلگەن تاپسىرمالاردىڭ ورىندالۋ ناتيجەلەرى تۋرالى باياندالدى.
قاسىم-جومارت توقاەۆ الەۋمەتتىك ادىلدىكتى قالپىنا كەلتىرۋگە جانە مەملەكەتكە قايتارىلعان اكتيۆتەردى ەلىمىزدى دامىتۋ ءۇشىن پايدالانۋعا باعىتتالعان بۇل جۇمىستىڭ ماڭىزدىلىعىن اتاپ ءوتتى.
مەملەكەت باسشىسى وسى ىسكە جۇمىلدىرىلعان بارلىق مەملەكەتتىك قۇرىلىمداردىڭ جۇمىسىن جانداندىرۋ قاجەت ەكەنىن ايتتى.
جيىن سوڭىندا پرەزيدەنت بىرقاتار ناقتى تاپسىرما بەردى.
