بۇگىن، 26 تامىزدا پرەزيدەنت قاسىم-جومارت توقاەۆ ء«بىرىنشى شاقىرىلىمداعى قازاقستان رەسپۋبليكاسى قۇرىلتايىنىڭ ءبىرىنشى سەسسياسىن شاقىرۋ تۋرالى» جارلىققا قول قويدى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى كونستيتۋتسياسىنىڭ 58-بابىنىڭ 2-تارماعىنا سايكەس قاۋلى ەتەمىن:
1.ء بىرىنشى شاقىرىلىمداعى قازاقستان رەسپۋبليكاسى قۇرىلتايىنىڭ ءبىرىنشى سەسسياسى 2026 جىلعى 28 تامىزدا ساعات 11-دe استانا قالاسىندا شاقىرىلسىن.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى»،– دەلىنگەن حابارلامادا.
ەسكە سالايىق، العاشقى قۇرىلتاي سايلاۋىندا ورتالىق سايلاۋ كوميسسياسىنىڭ سوڭعى قورىتىندىسى بويىنشا «ادىلەت» پارتياسى 71,17% داۋىس جيناپ، جەڭىسكە جەتكەن ەدى. پارتيا قۇرىلتايداعى مانداتتىڭ باسىم بولىگىن — 110 ورىندى جەڭىپ الدى. قالعان ورىندار كەلىسىدەي ءبولىندى: «اۋىل» — 10 ورىن; Respublica — 9 ورىن; جسدپ — 8 ورىن; «اق جول» — 8 ورىن.
تۇڭعىش قۇرىلتاي - قازاقستان تاۋەلسىزدىك العاننان بەرگى ونىنشى پارلامەنت.
