ەكونوميست ماقسات حالىق سايلاۋعا قاتىسۋعا كۋالىك الدى. بۇل تۋرالى ول ءوزىنىڭ Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
“قۇرمەتتى دوستار، سايلاۋعا قاتىسۋعا كۋالىكتى الدىم. ەندى الدىدا ۇلكەن دودا، جاراتقان ءوزى جار بولسىن!
اينالامدا بولىپ جاتقان ۇردىستەردىڭ كوپتىگى سونشالىق، قاي دوسىما ايتتىم، قاي دوسىما ايتپادىم ءتىپتى ەسىمە تۇسپەي جاتىر. دەگەنمەن حابارلاسىپ، قاسىمنان تابىلىپ جاتقان باۋىرلارعا مىڭ العىس.
جاناشىر دوستارىم، قانداي كومەك بولسا دا قابىلدانادى، شتابىما قوسىلۋ، سەنىمدى وكىلىم بولۋ، قارجىلاي قولداۋ ءبىلدىرۋ، ءتىپتى نيەتتەس، تىلەكتەس بولۋدىڭ ءوزى ماڭىزدى. ويتكەنى قىرىقتىڭ ءبىرى قىزىر، تاعدىردى ءبىر اللا عانا شەشەدى عوي.
ارنايى حابارلاپ جاتقانىم " ماقسات نەگە ماعان ايتپادىڭ؟!" دەگەن ءسوزدى ەرتەڭ ەستىمەس ءۇشىن، مەنى باعالايتىن، سىيلايتىن جاندارعا قاراتا جازىپ جاتىرمىن.سونداي-اق تالدىقورعان، تەكەلى قالالارى، الاكول، اقسۋ، كوكسۋ، سارقان، ەسكەلدى، قاراتال، كەربۇلاق، پانفيلوۆ اۋداندارىندا تۇراتىن مەنىڭ الەۋمەتتىك جەلىدەگى دوستارىم بولسا حابارلاسىڭىزدار.
ماقساتتى قولدايىق دەپ جازباي تۇرا تۇرىڭىزدار، ۇگىت ناسيحات جۇمىستارى تەك 18 اقپان كۇنى كەشكى 18-00دە باستالاتىنىن ەسكەرتەمىن. شىن بولىسقىڭىز كەلسە، جەكەگە حابار بەرىڭىز”، دەپ جازدى ول.
