«امانات» پارتياسى قوعامدىق ساياسات ينستيتۋتى ديرەكتورىنىڭ ورىنباسارى دينارا سادۋاقاسوۆا “شاپاعات” بازارىنا بارىپ، حالىقتىڭ مۇڭ-مۇقتاجىن ءبىلىپ قايتتى. بۇل تۋرپلى ول Facebook پاراقشاسىندا دا جازدى، دەپ حابارلايدى “ادىرنا” ۇلتتىق پورتالى.
“ازىق-تۇلىكتىڭ قىمباتتىعى، باسىبايلى باسپانانىڭ جوقتىعى، ەڭبەكتىڭ اۋىر جاعدايلارى – بۇل «شاپاعات» بازارىنىڭ ساتۋشىلارى مەن كەلۋشىلەرىنىڭ ماعان ايتقان ماسەلەلەرىنىڭ كەيبىرەۋى عانا.
ارينە، مۇنىڭ ءبارى مەن ءۇشىن جاڭالىق ەمەس. سەبەبى اتالمىش پروبلەمالارمەن قازىر ءاربىر قازاقستاندىق بەتپە-بەت كەلىپ وتىر. اسىرەسە باعانىڭ ءوسۋىن مەن ءوزىم دۇكەنگە بارعان سايىن نەمەسە توڭازىتقىشتى اشقان سايىن سەزىنەمىن. سوندىقتان ءبىزدىڭ سايلاۋالدى باعدارلامامىز ازاماتتاردىڭ سۇرانىستارىنا، ولاردىڭ كۇندەلىكتى قاجەتتىلىكتەرىنە نەگىزدەلگەن”، - دەپ جازدى ول.
سونداي-اق، دينارا بازار ساتۋشىلارىنا كومەكتەستى. ودان بولەك، حالىقتىڭ ماسەلەلەرىنە بەي-جاي قاراماۋ كەرەگىن ايتىپ، ارىپتەستەرىن چەللەندجگە شاقىردى.
“كەزدەسۋلەر اياسىندا ايتىلعان ءاربىر ماسەلەنى مەن جان-تانىممەن قابىلدايمىن. ادامدار وزدەرىنىڭ قيىندىقتارى تۋرالى شەشىمىن تابادى دەگەن ۇمىتپەن ايتادى. مەن بۇل ءۇشىن قولىمنان كەلگەننىڭ ءبارىن جاساۋعا مىندەتتى ەكەنىمدى سەزىنەمىن.
مەنىڭ ويىمشا، ءبىز قانداي پوزيتسيادا بولساق تا، ساقتالۋى قاجەت ەڭ باستى نارسە – باسقالاردىڭ پروبلەمالارىنا بەي-جاي قاراماۋ، ءوز قالاسى ءۇشىن، ءوز ەلى ءۇشىن جاناشىرلىق تانىتۋ بولىپ تابىلادى.
سوندىقتان دا ءبىزدىڭ Amanat Partya-سىندا وسىنداي جاناشىر ادامداردىڭ كوپ ەكەندىگىنە قۋانىشتىمىن. جاستار، قوعام قايراتكەرلەرى، ساراپشىلار وزدەرىنىڭ بىلىمدەرى مەن تاجىريبەلەرىن بيلىكتىڭ وكىلدى ورگاندارىندا قولدانۋعا مۇمكىندىك الدى.
بىزگە تەك سىزدەردىڭ قولداۋلارىڭىز قاجەت! نار تاۋەكەل! مەن ارىپتەستەرىمدى وسى فورماتتى قولداۋعا جانە چەللەندج تۇرىندە جالعاستىرۋعا شاقىرامىن”، - دەپ جازدى دينارا سادۋاقاسوۆا.
