اتىراۋ مۇناي وڭدەۋ زاۋىتىندا ءورت بولدى. وقيعا ورنىنان تۇسىرىلگەن فوتو جانە بەينەماتەريالدار الەۋمەتتىك جەلىلەردە تارادى، دەپ حابارلايدى "ادىرنا" ءتىلشىسى.
ء«اموز» جشس ءباسپاسوز قىزمەتىنىڭ حابارلاۋىنشا، ءورت ساعات 12:35-تە جابىق تيپتەگى مەحانيكالىق تازارتۋ قوندىرعىلارىنىڭ تۇندىرعىشىندا تۇتانعان. وقيعا كەزىندە نىساندا جۇمىس جۇرگىزىلمەگەن. كاسىپورىننىڭ مالىمەتىنشە، تۇندىرعىشتىڭ ىشىندە مۇناي شلامى جانعان. قازىرگى ۋاقىتتا ءورتتى وقشاۋلاۋ جانە ءسوندىرۋ جۇمىستارى جۇرگىزىلىپ جاتىر.
الدىن الا اقپارات بويىنشا، وقيعادان زارداپ شەككەندەر جوق. زاۋىت شتاتتىق رەجيمدە جۇمىسىن جالعاستىرىپ جاتىر.
اتىراۋ مۇناي وڭدەۋ زاۋىتى – قازاقستانداعى ءۇش ءىرى مۇناي وڭدەۋ كاسىپورنىنىڭ ءبىرى. كاسىپورىن 1945 جىلى پايدالانۋعا بەرىلگەن. زاۋىت اكتسيالارىنىڭ 99 پايىزى «قازمۇنايگاز» ۇك» اق-عا تيەسىلى.
كاسىپورىننىڭ جوبالىق قۋاتتىلىعى جىلىنا 5,5 ميلليون توننا مۇنايدى قۇرايدى.
