وزبەكستان تاياۋ شىعىستاعى جاعدايدىڭ كۇرت شيەلەنىسۋىنە الاڭداۋلى. بۇل تۋرالى وزبەكستاننىڭ سىرتقى ىستەر مينيسترلىگى مالىمدەمە جاسادى، دەپ حابارلايدى “ادىرنا” ۇلتتىق پورتالى.
«وزبەكستان تاياۋ شىعىستاعى جاعدايدىڭ كۇرت شيەلەنىسۋىنە الاڭداۋلى. قاقتىعىستىڭ ارتا ءتۇسۋى بۇكىل حالىقارالىق قاۋىمداستىق ءۇشىن تەرىس سالدارعا، ايماقتا قاۋىپ-قاتەردىڭ ەسەلەنۋىنە اكەلۋى ىقتيمال دەپ سانايمىز. قارسىلاس تاراپتاردى ۇستامدىلىق تانىتۋعا جانە جاعدايدى ودان ءارى شيەلەنىستىرەتىن ارەكەتتەرگە بارماۋعا شاقىرامىز»، - دەلىنگەن وزبەكستاننىڭ سىرتقى ساياسي ۆەدومستۆوسىنىڭ مالىمدەمەسىندە.
سونداي-اق، وزبەكستان حالىقارالىق نورمالار مەن بۇۇ قاۋىپسىزدىك كەڭەسىنىڭ شەشىمدەرىنە سايكەس، قاقتىعىستى بەيبىت جولمەن رەتتەۋگە باعىتتالعان شارالار قابىلداۋ قاجەتتىگىن اتاپ ءوتتى.
