الماتى وبلىسىنىڭ بىرنەشە اۋىلىندا سەل ءجۇردى. بۇل تۋرالى وبلىستىق توتەنشە جاعدايلار دەپارتامەنتى ايتتى، دەپ حابارلايدى «ادىرنا» ءتىلشىسى.
21 شىلدە كۇنى ساعات 16:52-دە الماتى وبلىسى تجد كەزەكشى بولىمىنە قاراارشا اۋىلىنىڭ دەگەرەس اۋىلدىق وكرۋگى ەلدى مەكەنىندە نوسەر جاۋىن-شاشىننىڭ سالدارىنان ەڭىس اعىن بولعانى تۋرالى حابارلاما كەلىپ تۇسكەن.
«الماتى وبلىسى تجد، سونداي-اق جامبىل اۋدانىنىڭ جەرگىلىكتى اتقارۋشى ورگاندارىنان 30 ادام جانە 2 بىرلىك تەحنيكا كۇشتەرى مەن قۇرالدارى دەرەۋ وقيعا ورنىنا جىبەرىلدى. وقيعا ورنىنا كەلگەننەن كەيىن جاۋىن-شاشىننىڭ سالدارىنان جانە تاۋلى وزەندەردىڭ بەتكەيلەرىندە 36 كم (شيەن اۋىلى) جانە 54 كم (قاراارشا اۋىلى) "ۇزىناعاش-بەسمويناق" وبلىستىق ماڭىزى بار اۆتوموبيل جولىندا اعىنىنىڭ قالىپتاسۋى سالدارىنان اۆتوجول توسەمىن تاسقىن سۋ شايعانى انىقتالدى. قولدانىستاعى جاساندى قۇرىلىستار (قۇبىرلار) سۋ اعىنىنا توتەپ بەرە المادى. نوسەرلى كارىز جۇيەسى جانە جاساندى قۇرىلىستار (قۇبىرلار) جوق، وسىعان بايلانىستى سۋ اعىنىن اعىزۋ جول توسەمى ارقىلى جۇرەدى. جول بويىندا ءارتۇرلى فراكتسيالاردىڭ لايلارى مەن تاستارىنان شوگىندىلەر پايدا بولدى، سالدارىنان اۆتوجولدىڭ وسى ۋچاسكەلەرىندە كولىك قوزعالىسى جابىلدى. سونداي-اق، ورتاشا قىسىمدى گاز قۇبىرىنىڭ ۋچاسكەسى (شامامەن 70-80 مەتر) ءبۇلىنىپ، شيەن اۋىلدىق وكرۋگىنىڭ شيەن اۋىلىنىڭ ورتالىق كوشەسىندە ورنالاسقان 40-قا جۋىق ءۇي اۋلاداعى قۇرىلىستاردا سۋ تاسقىنى بولدى»،—دەلىنگەن حابارلامادا.
قازىرگى ۋاقىتتا ۇزىناعاش-بەسمويناق" وبلىستىق ماڭىزى بار اۆتوموبيل جولىنىڭ 54 كم جول قوزعالىسى قالىپقا قەلتىرىلدى. جول توسەمىندە تاستار مەن بالشىقتان تازارتۋ جۇمىستارى ، ارىق جەلىلەرى مەن ۇزىناعاش-بەسمويناق تاس جولىنىڭ قۇبىرلى وتكەلىن تازارتۋ جۇمىستارى جۇرگىزىلۋدە.
قايتىس بولعاندار مەن زارداپ شەككەندەر جوق.
