الماتى قالاسىندا وتباسىلىق جانجال قاندى وقيعامەن اياقتالدى. دۋمان ىقشاماۋدانىندا 40 جاستاعى ەر ادام 38 جاستاعى ايەلىن پىشاقتاپ ولتىرگەن، دەپ حابارلايدى "ادىرنا" ۇلتتىق پورتالى.
كەيىن ول الماتى وبلىسىنداعى تۋىستارىنا بارعان سوڭ ءوز-وزىنە قول جۇمساعان.
ايەلدىڭ دەنەسىن الماتىداعى پاتەرىنەن ونىڭ تۋىستارى تاۋىپ العان.
قالا پوليتسياسى بۇل دەرەكتى راستادى. الماتى پوليتسيا دەپارتامەنتىنىڭ مالىمەتىنشە، مەدەۋ اۋداندىق پوليتسيا باسقارماسىنا قاراستى بولىمدە قىلمىستىق ءىس قوزعالعان.
«الدىن الا دەرەكتەرگە سايكەس، قىلمىس وتباسىلىق جانجال سالدارىنان بولعان. ەر ادام ايەلىمەن سوزگە كەلىپ، وعان پىشاق جاراقاتىن سالعان. كەيىن وزىنە قول جۇمساعان»، – دەلىنگەن پوليتسيا حابارلاماسىندا.
قازىرگى ۋاقىتتا تەرگەۋ امالدارى جۇرگىزىلىپ جاتىر.
ۇقساس جاڭالىقتار
