الماتى وبلىسى ىلە اۋدانىنداعى كوكقاينار اۋىلىندا قايتىس بولعان 11-سىنىپ وقۋشىسىنىڭ سوڭعى حاتى جاريالاندى، دەپ حابارلايدى “ادىرنا” ءتىلشىسى.
Orda.kz دەرەگىنشە، قىزدىڭ اناسى ياسمينا 10-سىنىپتا مەكتەپ مۇعالىمىنىڭ ۇلىمەن ارالاسا باستاعانىن ايتقان. تۋىستارىنىڭ ايتۋىنشا، وسى قارىم-قاتىناسقا بايلانىستى قىزعا قىسىم جاسالعان. ولار مۇعالىم تاراپىنان قىزدىڭ ۇلىمەن ارالاسۋىنا قارسىلىق بولعانىن العا تارتادى.
تۋىستارىنىڭ سوزىنشە، 23 ساۋىردە ياسمينا مەكتەپكە شاقىرىلىپ، قارىم-قاتىناستى ءوز ەركىمەن توقتاتاتىنى تۋرالى قولحات جازۋعا ءماجبۇر بولعان. كەيىن ول شامامەن ساعات 15:00-دە ۇيىنە بارعان. ۇيدە ەشكىم بولماعان.
وتباسى قىزدىڭ قايتىس بولعاننان كەيىن قۇقىق قورعاۋ ورگاندارىنا ارىز بەرگەنىن، سونداي-اق ءبىلىم مينيسترلىگى مەن پروكۋراتۋراعا جۇگىنگەنىن ايتادى.
Orda جازۋىنشا، تۋىستارى ءتورت ايعا جۋىق ۋاقىت وتسە دە، ءىستىڭ ناتيجەسى تۋرالى ناقتى جاۋاپ الماعانىن جازعان.
ال مەكتەپ اكىمشىلىگى كامەلەتكە تولماعان قىزدىڭ ولىمىنە قاتىستى قۇقىق قورعاۋ ورگاندارى تەرگەۋ جۇرگىزىپ جاتقانىن راستادى.
