Almaty oblysy Ile audanyndaǧy Kökqainar auylynda qaitys bolǧan 11-synyp oquşysynyŋ soŋǧy haty jariialandy, dep habarlaidy “Adyrna” tılşısı.
Orda.kz deregınşe, qyzdyŋ anasy Iаsmina 10-synypta mektep mūǧalımınıŋ ūlymen aralasa bastaǧanyn aitqan. Tuystarynyŋ aituynşa, osy qarym-qatynasqa bailanysty qyzǧa qysym jasalǧan. Olar mūǧalım tarapynan qyzdyŋ ūlymen aralasuyna qarsylyq bolǧanyn alǧa tartady.
Tuystarynyŋ sözınşe, 23 säuırde Iаsmina mektepke şaqyrylyp, qarym-qatynasty öz erkımen toqtatatyny turaly qolhat jazuǧa mäjbür bolǧan. Keiın ol şamamen saǧat 15:00-de üiıne barǧan. Üide eşkım bolmaǧan.
Otbasy qyzdyŋ qaitys bolǧannan keiın qūqyq qorǧau organdaryna aryz bergenın, sondai-aq bılım ministrlıgı men prokuraturaǧa jügıngenın aitady.
Orda jazuynşa, tuystary tört aiǧa juyq uaqyt ötse de, ıstıŋ nätijesı turaly naqty jauap almaǧanyn jazǧan.
Al mektep äkımşılıgı kämeletke tolmaǧan qyzdyŋ ölımıne qatysty qūqyq qorǧau organdary tergeu jürgızıp jatqanyn rastady.
