Olimpiada jäne älem chempiony, qazaqstandyq boksşy Daniiar Eleusınov äleumettık jelıdegı jazbasynda ışımdıkke täueldılık mäselesımen küresıp jatqanyn aitty, dep habarlaidy "Adyrna" ūlttyq portaly.
Sportşy qazır oŋaltudan ötıp jatqanyn aityp, beine tüsırgen.
Eleusınovtıŋ aituynşa, Olimpiadadan keiın ışımdıkke äuestıgı küşeiıp, uaqyt öte kele būl ädet densaulyǧyna jäne ömırıne kerı äser etken. Boksşy qazır arnaiy oŋaltu kursynan ötıp, öz mäselesın şeşuge tyrysyp jatqanyn jetkızdı. Ol qoǧam ökılderınen özın synamaudy jäne mazaq etpeudı sūrady. Sportşy är adamnyŋ ömırınde türlı synaq bolatynyn atap ötıp, qiyn kezeŋnen ötu üşın jaqyndarynyŋ qoldauy maŋyzdy ekenın aitty. Sonymen qatar ol būǧan deiıngı sporttyq jetıstıkterın eske saldy.
Eleusınov bolaşaqta AQŞ-qa qaita oralyp, Zuffa chempiony atanudy maqsat etıp otyrǧanyn habarlady. Osyǧan bailanysty ol qazaqstandyqtardy özın dattamai, kerısınşe qoldauǧa şaqyrdy.
Aita keteiık, 2026 jyldyŋ şıldesınde Astanada Daniiar Eleusınov kölıktı mas küide basqarǧan. Ol Toyota Land Cruiser avtokölıgımen parking qaqpasyna soǧylǧan. Keiın oqiǧa ornynan ketuge äreket jasap, taǧy bırneşe kölıkke soqtyǧysqan. Apat saldarynan eşkım zardap şekken joq.
Daniiar Eleusınov 2016 jylǧy Braziliiadaǧy Olimpiada oiyndarynyŋ chempiony, Aziada-2010 jeŋımpazy, 2013 jylǧy Almaty qalasynda ötken Äuesqoi bokstan 69 kg salmaqta älem chempiony, halyqaralyq sport şeberı.
