تالدىقورعان جوعارى پوليتەحنيكالىق كوللەدجى NCCER قۇرىلىس سالاسىنداعى ۇلتتىق وقىتۋ جانە زەرتتەۋ ورتالىعىندا اككرەديتتەلگەن وقۋ ورتالىعى مارتەبەسىن الۋ ماقساتىندا حالىقارالىق سالالىق باعالاۋدىڭ ءۇشىنشى كەزەڭىن اياقتادى. سونداي-اق، ءبىلىم بەرۋ مەكەمەسى گەرمانيانىڭ اعا ساراپشىلار قىزمەتىمەن بىرلەسىپ ىنتىماقتاستىق جوباسىنا قاتىسۋدى جوسپارلاپ وتىر، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
پوليتەحنيكالىق كوللەدج ءىت-ماماندار دايارلاۋدا جاقسى ناتيجەلەرگە قول جەتكىزگەن تابىستى ءبىلىم بەرۋ مەكەمەسى رەتىندە تانىلىپ وتىر. مىسالى، ستاتيستيكالىق دەرەكتەرگە سۇيەنسەك، 2020 جىلى ءىت باعىتى بويىنشا كوللەدج تۇلەكتەرىنىڭ 92%-ى جۇمىسقا ورنالاسسا، ال وتكەن جىلى بۇل كورسەتكىش 96%-دى قۇرادى. بۇل 2019 جىلى ءىت-ورتالىق كوللەدجىنىڭ بازاسىندا STEM-ايماق، كوۆوركينگ ورتالىعى، بەينە جانە فوتوستۋديا، بيزنەس-ينكۋباتور، WorldSkills جاتتىعۋ لاگەرى قۇرىلىپ، جۇمىس كورنەكتى ناتيجەسىن بەردى. مۇندا سونىمەن قاتار Cisco جانە steam جەلىلىك اكادەميالارى جۇمىس ىستەيدى. ورتالىقتا ستۋدەنتتەرگە ارنالعان Web-ديزايندەۋ مەن ازىرلەۋ، 3D-مودەلدەۋ، CAD پلاتفورماسىندا جوبالاۋ پراكتيكالىق ساباقتارى مەن وقىتۋ كۋرستارى وتكىزىلەدى. سونداي-اق كوللەدجدە جاڭا ءىت-تەحنولوگيالاردى مەڭگەرۋگە ارنالعان زەرتحانا جۇمىس ىستەيدى. جالپى بۇگىندە وبلىس بويىنشا 59 IT-سىنىپ، 12 STEAM-كابينەت، IT-مەكتەپ بار.
سونىمەن قاتار كوللەدج قازىرگى زامانعى ەڭبەك نارىعىنىڭ تالاپتارىن ەسكەرىپ، قۇرىلىس سالاسىندا ماماندار دايارلاۋعا ەرەكشە كوڭىل بولەدى. بۇگىنگى تاڭدا كوللەدجدە قۇرىلىس ماماندىقتارى بويىنشا 141 ستۋدەنت ءبىلىم الۋدا.
كوللەدج ديرەكتورى ەرقات مۇقاجانوۆتىڭ ايتۋىنشا، ءبىلىم ورداسى بۇگىندە NCCER "Project Supervision" باعدارلاماسى بويىنشا ۇلتتىق وقىتۋ جانە قۇرىلىس سالاسىنداعى زەرتتەۋ ورتالىعىندا اككرەديتتەلگەن وقۋ ورتالىعى مارتەبەسىن الۋ ءۇشىن حالىقارالىق سالالىق باعالاۋدىڭ ءۇشىنشى كەزەڭىن اياقتادى. اككرەديتاتسيادان ءساتتى وتكەن جاعدايدا مەكەمە قۇرىلىس سالاسىنداعى جۇمىسكەرلەردى سەرتيفيكاتتاۋعا قۇقىق بەرەتىن حالىقارالىق ۇلگىدەگى ءتيىستى قۇجاتقا يە بولادى. بۇل سەرتيفيكات مامان قۇزىرەتىنىڭ كاسىبي ستاندارتتارعا، ونىڭ ىشىندە حالىقارالىق ستاندارتتاردىڭ تالاپتارىنا سايكەستىگىن تانۋعا جانە راستاۋعا ارنالعان. حالىقارالىق سالالىق اتتەستاتتاۋدىڭ بارلىق كەزەڭدەرىن جىل سوڭىنا دەيىن اياقتاۋ جوسپارلانىپ وتىر.
- ەڭ باستى مىندەتىمىزدىڭ ءبىرى - تۇلەكتەرىمىزدى جۇمىسقا ورنالاستىرۋ دەڭگەيىن ارتتىرۋ، ولاردىڭ ءبىلىمىنىڭ، ىسكەرلىگى مەن داعدىلارىنىڭ باسەكەگە قابىلەتتىلىگىن كوتەرۋ. سوندىقتان ءبىز قۇرىلىس ماماندىقتارى بويىنشا حالىقارالىق سالالىق اككرەديتتەۋدەن وتۋگە شىنداپ كىرىستىك. بۇل رەتتە بىزگە "تالاپ" كەاق ءتيىستى قولداۋ كورسەتتى. وسى سىناقتان ءساتتى وتسەك، بۇل بىزگە قۇرىلىس سالاسىنداعى جۇمىسشىلاردىڭ بىلىكتىلىكتەرى بويىنشا يمپورت الماستىرۋدى قامتاماسىز ەتۋگە مۇمكىندىك بەرەدى. بىرتە-بىرتە وتاندىق ءىرى كومپانيالارعا شەتەلدىك مامانداردى جۇمىسقا شاقىرۋدىڭ قاجەتى دە بولماي قالادى. بۇل رەتتە ءبىزدىڭ تۇلەكتەرىمىز قولدارىنا حالىقارالىق سەرتيفيكات الىپ، وزدەرىنىڭ باسەكەگە قابىلەتتىلىك دەڭگەيىن ارتتىرىپ قانا قويمايدى، سونىمەن قاتار ولاردىڭ ەڭبەگىنە اقى تولەۋ دەڭگەيى دە ەداۋىر ارتادى، دەمەك جىل وتكەن سايىن ءبىز كەڭسەدە جۇمىس ىستەيتىندەر عانا جاقسى اقشا تابا الادى دەگەن ستەرەوتيپتى جەڭەمىز. دەمەك، جاستار كوللەدجدە وقىپ، قاجەتتى جۇمىسشى ماماندىعىن مەڭگەرىپ، تابىستى بولا الاتىنىن تۇسىنە باستايدى، - دەپ اتاپ ءوتتى ە.مۇقاجانوۆ.
كوللەدج باسشىسىنىڭ ايتۋىنشا، وسى جوبانىڭ شەڭبەرىندە مەكەمەنىڭ 5 وقىتۋشىسى 1-5 تامىز ارالىعىندا بىرنەشە پوزيتسيا بويىنشا قىسقا مەرزىمدىك كۋرستان وتكەن. ەندى ولار NCCER بازاسىندا وقىتۋشى، ۇلگەرىمدى باقىلاۋشى، وقۋ باعدارلاماسىنىڭ ينسپەكتورى رەتىندە تىركەلگەن.
گەرمانيانىڭ اعا ساراپشىلار قىزمەتىنە (SES – Senior Experten Service) قاتىستى ايتار بولساق، جوبا «اقپاراتتىق تەحنيكا»، «كوممۋنيكاتسيا قۇرالدارى»، «قۇرىلىس ءىسى» سالالارىنا بىلىكتى كادر دايارلاۋعا بايلانىستى ماسەلەلەرگە ساراپتامالىق قولداۋ كورسەتۋگە ارنالعان. SES ساراپشىلارى ءوز قىزمەتىن ازيادا، لاتىن امەريكاسىندا، شىعىس جانە وڭتۇستىك-شىعىس ەۋروپادا، ياعني حالىقارالىق دەڭگەيدە جۇزەگە اسىرادى. وسى اتالعان ەلدەردىڭ بارلىعىندا قوعامدىق نەگىزدە جانە سۇرانىسقا قاراي ولار وزدەرىنىڭ ساراپتامالىق بىلىمدەرىن، كاسىبي تاجىريبەلەرى تاراتادى.
كوللەدج باسشىلىعى جوباعا قاتىسۋ جەرگىلىكتى جەرلدە مەكەمەنىڭ وقىتۋشىلارى مەن وندىرىستىك وقىتۋ شەبەرلەرىنىڭ بىلىكتىلىگىن ارتتىرۋعا ىقپال ەتەتىنىن ايتادى. قازىرگى كەزدە جوبانىڭ باستالاتىن ۋاقىتى كەلىسىلۋدە، بۇل الدىن الا جوسپار بويىنشا بيىلعى جىلدىڭ قازان-قاراشا ايلارىندا بولماق.
جالپى بيىلعى وقۋ جىلىندا تالدىقورعان جوعارى پوليتەحنيكالىق كوللەدجىندە 2564 ستۋدەنت ءبىلىم الدى، 5 تامىزداعى جاعداي بويىنشا ستۋدەنتتەر سانى 1529, تاعى 680-گە جۋىق ادامدى قابىلداۋ جوسپارلانۋدا. ءبىلىم بەرۋ مەكەمەسىنىڭ پەداگوگيكالىق قۇرامى كوللەدج ستۋدەنتتەرى مەن تۇلەكتەرگە بەرىلگەن مۇمكىندىكتەر ولاردىڭ ەڭبەك نارىعىندا سۇرانىسقا يە بولۋىنا وڭ اسەر ەتەتىنىنە جانە ءوڭىردى زاماناۋي جاس بىلىكتى كادرلارمەن قامتاماسىز ەتەتىنىنە سەنىمدى.
جەتىسۋ وبلىسى اكىمىنىڭ ءباسپاسوز قىزمەتى.
