الماتىدا عالىم، قوعام قايراتكەرى، الماتى قالاسىنىڭ قۇرمەتتى ازاماتى، قازاقستان رەسپۋبليكاسى ۇلتتىق عىلىم اكادەمياسىنىڭ كوررەسپوندەنت-مۇشەسى اسىلى وسمان II دارەجەلى «بارىس» وردەنىمەن ماراپاتتالدى، دەپ حابارلايدى "ادىرنا" ۇلتتىق پورتالى.
جوعارى مەملەكەتتىك ناگرادا وعان مەملەكەت باسشىسى قاسىم-جومارت توقاەۆتىڭ جارلىعىمەن بەرىلدى. پرەزيدەنت اتىنان وردەندى الماتى قالاسىنىڭ اكىمى دارحان ساتىبالدى تابىستادى.
اسىلى وسمان ۇزاق جىلدار بويى مەملەكەتتىك ءتىلدىڭ قولدانىس اياسىن كەڭەيتۋگە، ۇلتتىق قۇندىلىقتاردى ناسيحاتتاۋعا جانە قوعامداعى بىرلىكتى نىعايتۋعا ەلەۋلى ۇلەس قوسىپ كەلەدى. ول مەملەكەتتىك ءتىل قاۋىمداستىعىن باسقارادى. عالىمنىڭ اۆتورلىعىمەن 200-دەن استام عىلىمي جانە اۋدارما ماقالا جارىق كورگەن. ونىڭ ەڭبەكتەرى قازاق ءتىلىن دامىتۋ، ءتىل مادەنيەتى جانە قوعامدىق كەلىسىم ماسەلەلەرىنە ارنالعان.
مەملەكەت باسشىسى اسىلى وسماننىڭ مەملەكەتتىك ءتىلدى دامىتۋعا، قوعامدىق تۇراقتىلىق پەن بىرلىكتى نىعايتۋعا قوسقان ۇلەسىن جوعارى باعالادى.
ماراپاتتى تابىستاۋ راسىمىندە الماتى اكىمى دارحان ساتىبالدى دا قوعام قايراتكەرىنىڭ قالاداعى قوعامدىق جانە مادەني ومىرگە قوسقان ۇلەسىن اتاپ ءوتتى.
