زاڭگەر مەيىرمان شەكەەۆ وزىنە قاتىستى قىلمىستىق ءىس قوزعالعانىن ايتتى، دەپ حابارلايدى “ادىرنا” ۇلتتىق پورتالى.
بۇل تۋرالى ول الەۋمەتتىك جەلىدەگى پاراقشاسىندا جازدى.
شەكەەۆتىڭ ايتۋىنشا، قىلمىستىق ءىس الماتى قالاسىنىڭ پروكۋراتۋراسى جۇرگىزگەن ساراپتاما قورىتىندىسىنان كەيىن قوزعالعان. الايدا ازىرگە تەرگەۋدىڭ ناقتى قاي باپ بويىنشا جۇرگىزىلىپ جاتقانى جانە ءىستىڭ قانداي نەگىزدە قوزعالعانى بەلگىسىز.
زاڭگەر بۇل جاعدايدى الەۋمەتتىك جەلىدەگى بەلسەندىلىگىمەن جانە قازاق ءتىلىن قورعاۋعا قاتىستى ۇستانىمىمەن بايلانىستىرادى.
ء«بىز انا ءتىلىمىزدى، ياعني قازاقستاننىڭ مەملەكەتتىك ءتىلى رەتىندە بەكىتىلگەن قازاق ءتىلىن قورعاعانىمىز ءۇشىن وسىنداي جاعدايعا تاپ بولىپ وتىرمىز»، – دەدى مەيىرمان شەكەەۆ.
ول ەشقاشان زاڭ بۇزباعانىن ايتىپ، ءتىل ماسەلەسى بويىنشا ءوز ۇستانىمىن سوڭىنا دەيىن قورعاۋعا دايىن ەكەنىن جەتكىزدى.
سونىمەن قاتار زاڭگەر وقىرماندارىن الەۋمەتتىك جەلىلەردە ۇلتارالىق ارازدىققا اكەلۋى مۇمكىن پىكىرلەر جازباۋعا شاقىردى.
شەكەەۆتىڭ سوزىنشە، بۇعان دەيىن ءتىل ماسەلەسىنە قاتىستى ارانداتۋشىلىق سيپاتتاعى پىكىرلەر ايتقان ازاماتتارعا بىرنەشە رەت شاعىم تۇسىرگەن. الايدا ونىڭ ايتۋىنشا، اتالعان وتىنىشتەر بويىنشا قىلمىستىق ءىس قوزعالماعان.
قازىر قۇقىق قورعاۋ ورگاندارى بۇل جاعدايعا قاتىستى رەسمي تۇسىنىكتەمە بەرگەن جوق.
