«قازتاگ» اگەنتتىگىنىڭ باسشىسى ءاسەت ماتاەۆ قر قك-ءنىڭ 274-بابى («بىلگىلى تۇردە جالعان اقپارات تاراتۋ») بويىنشا قىلمىستىق جاۋاپكەرشىلىكتەن بوساتىلدى. بۇل تۋرالى قورعاۋ تاراپىنان ايتىلدى، دەپ حابارلايدى "ادىرنا".
ادۆوكات رەنا كەريموۆا ۇستالعان كۇنگى جاعدايعا قاتىستى مالىمەت بەردى.
«اسەتتىڭ دوسى جىگىتتەردىڭ ءبىرىن قىزبەن شاتاستىرىپ العان. مەنىڭ تۇسىنۋىمشە، جانجال وسىدان باستالعان. شىنىندا دا ول جىگىتتىڭ سىرت كەلبەتى ەرەكشە: ۇزىن جيرەن شاشتى، موينىندا شىنجىرلارى بار جانە ت.ب. تۇنگى شامامەن ساعات 2-دە، دوسىمەن وتىرعان، ونا ارت جاعىنان قاراعاندا شاتاستىرىپ الۋ وڭاي بولعان» دەپ جازدى رەنا كەريموۆا Facebook پاراقشاسىندا.
سوت قولدانىستاعى شارانى بۇگىن تاڭەرتەڭ قاراماق. بۇعان دەيىن ماتاەۆتىڭ ۇستالعانى قوعامدا ۇلكەن رەزونانس تۋدىرعان ەدى. قۇقىق قورعاۋ ورگاندارى الماتى قالاسىنىڭ مەدەۋ اۋدانىندا ەكى باق يەسى اراسىنداعى قاقتىعىس توبەلەسكە ۇلاسقانىن حابارلاعان.
وقيعا كەزىندە ماتاەۆتىڭ باسىنا زاقىم كەلگەن، كەيىن ول اۋرۋحاناعا جەتكىزىلگەن، بىراق ناقتى ورنى جاريالانباعان. حالىقارالىق «ءادىل ءسوز» قورى وقيعا بويىنشا تەرگەۋدى مۇقيات جۇرگىزۋدى تالاپ ەتتى.
