"ەنەم اجىراستىردى". تانىمال سپورتشىنىڭ بۇرىنعى ايەلى پىكىر ءبىلدىردى

قازاقستاندىق ارالاس جەكپە-جەك شەبەرى شاۆكات راحمونوۆتىڭ بۇرىنعى ايەلى گۇلايىم راحمونوۆا وتباسى تۋرالى ايتتى، دەپ حابارلايدى "ادىرنا" ۇلتتىق پورتالى.

جازبادا گۇلايىم راحمونوۆا شاۆكاتتىڭ شەشەسىمەن قارىم-قاتىناس ماسەلەسىنە توقتالىپ، ءوز ءومىرى تۋرالى پىكىر بىلدىرگەن.

«10 جىل ءومىرىمنىڭ 6 جىلىن مەنى كۇندەۋمەن، وسەكتەۋمەن وتكىزگەن شاۆكاتتىڭ شەشەسىنە تانىم بار. اقىرى اجىراستىردى، باسىما تۇسكەن قيىندىققا كۇلىپ، اجىراتىپ تىندى. جەگەندەرى شاۆكاتتىڭ تابىسى، تالاسقاندارى – مەنىڭ بالالارىمنىڭ نەسىبەسى»، – دەپ جازدى.

ايتا كەتەيىك، بۇعان دەيىن گۇلايىم راحمونوۆا شاۆكات راحمونوۆپەن اجىراسقانىن رەسمي تۇردە جاريالاعان بولاتىن.

سوت ۇكىمىنە سايكەس، راحمونوۆا 27 شىلدەدە «الماتى–ەكاتەرينبۋرگ» تاس جولىندا بولعان جول اپاتى بويىنشا كىنالى دەپ تانىلىپ، 5 جىلعا باس بوستاندىعىنان ايىرىلدى. سونداي-اق وعان 7 جىلعا كولىك جۇرگىزۋگە تىيىم سالىندى. وقيعا سالدارىنان ەكى ادام قايتىس بولىپ، گۇلايىم اۋرۋحاناعا جاتقىزىلعان. 4 بالاسى بار بولعاندىقتان، جازا كەيىنگە قالدىرىلعان.