2026 جىلعى 10-20 تامىز ارالىعىندا قازاقستان ازاماتتىعىن الۋعا نيەتتى ۇمىتكەرلەردەن ءوتىنىش قابىلداۋ جۇرگىزىلەدى، دەپ حابارلايدى "ادىرنا" ۇلتتىق پورتالى Zakon.kz سايتىنا سىلتەپ.
22 تامىزدا تەستىلەۋ وتەدى. ۇلتتىق تەستىلەۋ ورتالىعىنىڭ مالىمەتىنشە، ەمتيحان ءۇش بولىمنەن تۇرادى:
- قازاق ءتىلى – 30 تاپسىرما، شەكتى بالل – 15;
- كونستيتۋتسيا نەگىزدەرى (قازاق نەمەسە ورىس تىلىندە) – 40 تاپسىرما، شەكتى بالل – 20;
- قازاقستان تاريحى (قازاق نەمەسە ورىس تىلىندە) – 30 تاپسىرما، شەكتى بالل – 15.
- تەست بويىنشا ەڭ جوعارى ناتيجە – 100 بالل، ال ءوتۋ ءۇشىن كەمىندە 50 بالل جيناۋ قاجەت.
تاپسىرمالاردى ورىنداۋعا 130 مينۋت بەرىلەدى. مۇگەدەكتىگى بار ادامدارعا قوسىمشا 30 مينۋت ۋاقىت قاراستىرىلعان.
تەستىلەۋگە قاتىسۋ قۇنى 14 693 تەڭگەنى (شامامەن 33 اقش دوللارى) قۇرايدى.
سونىمەن قاتار ەمتيحانعا دايىندالۋ ءۇشىن بايقاۋ تەستىلەۋىنەن وتۋگە بولادى. ونىڭ قۇنى – 3 355 تەڭگە(شامامەن 7,5 اقش دوللارى).
ۇقساس جاڭالىقتار
