قۇجاتقا تۇركيا پرەزيدەنتى رەجەپ تايپ ەردوعان، ساۋد ارابياسىنىڭ تاق مۇراگەرى مۇحاممەد بين سالمان جانە پاكىستان پرەمەر-ءمينيسترى شاحباز شاريف قول قويعان، دەپ حابارلايدى "ادىرنا" TRT-عا سىلتەپ.
كەلىسىمگە سايكەس، ءۇش ەلدىڭ بىرىنە جاسالعان قارۋلى شابۋىل بارلىق قاتىسۋشى مەملەكەتكە جاسالعان شابۋىل رەتىندە قاراستىرىلادى. تاراپتار بۇل قاعيداتتى بۇۇ جارعىسىنىڭ 51-بابىندا بەكىتىلگەن جەكە جانە ۇجىمدىق ءوزىن-ءوزى قورعاۋ قۇقىعىمەن بايلانىستىرادى.
دەرەككوزدەردىڭ مالىمەتىنشە، كەلىسىمگە جيددا قالاسىندا 7 تامىز كۇنى قول قويىلعان. ول تەك قورعانىس سيپاتىندا جانە ناقتى ءبىر مەملەكەتكە قارسى باعىتتالماعان. ونىڭ نەگىزگى ماقساتى – ايماقتاعى جانە الەمدەگى قاۋىپ-قاتەرلەردىڭ ارتۋى جاعدايىندا بىرلەسكەن تەجەۋ تەتىكتەرىن كۇشەيتۋ.
سونىمەن قاتار تۇركيا، ساۋد ارابياسى جانە پاكىستان قورعانىس ونەركاسىبىندەگى ىنتىماقتاستىقتى كەڭەيتىپ، قارۋلى كۇشتەرىنىڭ ءوزارا ءىس-قيمىل مۇمكىندىگىن ارتتىرۋدى جوسپارلاپ وتىر.
كەلىسىمنىڭ تاعى ءبىر ەرەكشەلىگى – وعان كەيىنىرەك ايماقتاعى باسقا مەملەكەتتەردىڭ دە قوسىلا الۋى. تاراپتاردىڭ ايتۋىنشا، جاڭا مەحانيزم ءۇش ەلدىڭ قولدانىستاعى وداقتارى مەن سەرىكتەستىكتەرىن الماستىرمايدى، كەرىسىنشە ولاردى تولىقتىرۋعا باعىتتالعان.
