قازاقستاندا شەتەل ازاماتتارىنىڭ ەلگە كىرۋ تارتىبىنە وزگەرىستەر ەنگىزۋ جوسپارلانىپ وتىر. بۇل تۋرالى ىشكى ىستەر مينيسترلىگى ازىرلەگەن قۇجاتتا جاريالاندى، دەپ حابارلايدى "ادىرنا".
جاڭا تۇزەتۋلەرگە سايكەس، شەتەل ازاماتتارى مەن ازاماتتىعى جوق ادامدارعا قازاقستان رەسپۋبليكاسىنا كىرۋ ءۇشىن ەلەكتروندىق رۇقسات بەرۋ جۇيەسى ەنگىزىلەدى. مينيسترلىكتىڭ مالىمەتىنشە، بۇل كوشى-قون ۇدەرىستەرىن ەسەپكە الۋدىڭ اشىقتىعى مەن جەدەلدىگىن ارتتىرىپ، دەرەكتەردىڭ تولىق ءارى ناقتى جينالۋىنا مۇمكىندىك بەرەدى.
سونداي-اق ەلەكتروندىق رۇقساتتى راسىمدەۋ ءۇشىن الىناتىن تولەم مولشەرىن سارالاۋ ۇسىنىلعان. ءىىم بۇل قاراجات جۇيەنىڭ ۇزدىكسىز جۇمىسىن قامتاماسىز ەتۋگە، تسيفرلىق ينفراقۇرىلىمدى جاڭعىرتۋعا جانە دەربەس دەرەكتەردى قورعاۋعا باعىتتالاتىنىن اتاپ ءوتتى.
جاڭا جۇيەنى 2026 جىلدىڭ تامىزى مەن جەلتوقسانى ارالىعىندا كەزەڭ-كەزەڭىمەن ىسكە قوسۋ جوسپارلانعان. بۇل شەكاراداعى وتكىزۋ بەكەتتەرى مەن لوگيستيكالىق ينفراقۇرىلىمدى جاڭا تالاپتارعا بىرتىندەپ بەيىمدەۋگە مۇمكىندىك بەرەدى.
ايتا كەتەيىك، اتالعان قۇجات «اشىق نقا» پورتالىندا جاريا تالقىلاۋعا شىعارىلدى. قوعامدىق تالقىلاۋ 17 تامىزعا دەيىن جالعاسادى.
