Qazaqstanda şetel azamattarynyŋ elge kıru tärtıbıne özgerıster engızu josparlanyp otyr. Būl turaly Işkı ıster ministrlıgı äzırlegen qūjatta jariialandy, dep habarlaidy "Adyrna".
Jaŋa tüzetulerge säikes, şetel azamattary men azamattyǧy joq adamdarǧa Qazaqstan Respublikasyna kıru üşın elektrondyq rūqsat beru jüiesı engızıledı. Ministrlıktıŋ mälımetınşe, būl köşı-qon üderısterın esepke aludyŋ aşyqtyǧy men jedeldıgın arttyryp, derekterdıŋ tolyq ärı naqty jinaluyna mümkındık beredı.
Sondai-aq elektrondyq rūqsatty räsımdeu üşın alynatyn tölem mölşerın saralau ūsynylǧan. IIM būl qarajat jüienıŋ üzdıksız jūmysyn qamtamasyz etuge, sifrlyq infraqūrylymdy jaŋǧyrtuǧa jäne derbes derekterdı qorǧauǧa baǧyttalatynyn atap öttı.
Jaŋa jüienı 2026 jyldyŋ tamyzy men jeltoqsany aralyǧynda kezeŋ-kezeŋımen ıske qosu josparlanǧan. Būl şekaradaǧy ötkızu beketterı men logistikalyq infraqūrylymdy jaŋa talaptarǧa bırtındep beiımdeuge mümkındık beredı.
Aita keteiık, atalǧan qūjat «Aşyq NQA» portalynda jariia talqylauǧa şyǧaryldy. Qoǧamdyq talqylau 17 tamyzǧa deiın jalǧasady.
