امەريكالىق كاسىپكەر يلون ماسك Neuralink كومپانياسىنىڭ ميعا ورناتىلاتىن يمپلانتتار ارقىلى كورۋ قابىلەتىن قالپىنا كەلتىرۋ باعىتىنداعى جۇمىستارى تۋرالى ايتتى، دەپ حابارلايدى "ادىرنا".
ماسكتىڭ ايتۋىنشا، الداعى 6–12 اي ىشىندە كورۋ قابىلەتىن قالپىنا كەلتىرۋگە ارنالعان العاشقى يمپلانتتاردى ورناتۋ جوسپارلانىپ وتىر. ونىڭ سوزىنشە، تەحنولوگيا ءتىپتى تۋعاننان بەرى كورمەيتىن ادامداردىڭ دا كورۋ جۇيەسىنە اسەر ەتىپ، ميعا ۆيزۋالدى اقپارات جەتكىزۋگە مۇمكىندىك بەرۋى مۇمكىن.
«بۇل باعىت Neuralink دامۋىنىڭ تەك باستاپقى كەزەڭى. بولاشاقتا مۇنداي تەحنولوگيالار ادامنىڭ كورۋ مۇمكىندىگىن كەڭەيتىپ، Ultra HD ساپاسىنداعى بەينەنى قابىلداۋعا، سونداي-اق ينفراقىزىل جانە ۋلتراكۇلگىن دياپازونداردى كورۋگە مۇمكىندىك بەرۋى ىقتيمال»، – دەيدى ول.
ماسكتىڭ ايتۋىنشا، الداعى ۋاقىتتا نەيرويمپلانتتار ادامنىڭ تابيعي قابىلەتتەرىنەن تىس جاڭا مۇمكىندىكتەرگە جول اشۋى مۇمكىن. ول مۇنى «سۋپەرقابىلەتتەرگە» ۇقساس تەحنولوگيا رەتىندە سيپاتتادى.
Neuralink – ادام ميى مەن كومپيۋتەر اراسىنداعى بايلانىستى دامىتۋعا باعىتتالعان كومپانيا. جوبا ميعا ورناتىلاتىن شاعىن قۇرىلعىلار ارقىلى جۇيكە جۇيەسىمەن تىكەلەي بايلانىس ورناتۋدى كوزدەيدى.
قازىرگى ۋاقىتتا كورۋ قابىلەتىن تولىق قالپىنا كەلتىرۋ جانە ادامنىڭ جاڭا سپەكترلەردى قابىلداۋ مۇمكىندىگى عىلىمي زەرتتەۋ كەزەڭىندەگى باعىتتاردىڭ ءبىرى بولىپ سانالادى.
