Amerikalyq käsıpker İlon Mask Neuralink kompaniiasynyŋ miǧa ornatylatyn implanttar arqyly köru qabıletın qalpyna keltıru baǧytyndaǧy jūmystary turaly aitty, dep habarlaidy "Adyrna".
Masktyŋ aituynşa, aldaǧy 6–12 ai ışınde köru qabıletın qalpyna keltıruge arnalǧan alǧaşqy implanttardy ornatu josparlanyp otyr. Onyŋ sözınşe, tehnologiia tıptı tuǧannan berı körmeitın adamdardyŋ da köru jüiesıne äser etıp, miǧa vizualdy aqparat jetkızuge mümkındık beruı mümkın.
«Būl baǧyt Neuralink damuynyŋ tek bastapqy kezeŋı. Bolaşaqta mūndai tehnologiialar adamnyŋ köru mümkındıgın keŋeitıp, Ultra HD sapasyndaǧy beinenı qabyldauǧa, sondai-aq infraqyzyl jäne ultrakülgın diapazondardy köruge mümkındık beruı yqtimal», – deidı ol.
Masktyŋ aituynşa, aldaǧy uaqytta neiroimplanttar adamnyŋ tabiǧi qabıletterınen tys jaŋa mümkındıkterge jol aşuy mümkın. Ol mūny «superqabıletterge» ūqsas tehnologiia retınde sipattady.
Neuralink – adam miy men kompiuter arasyndaǧy bailanysty damytuǧa baǧyttalǧan kompaniia. Joba miǧa ornatylatyn şaǧyn qūrylǧylar arqyly jüike jüiesımen tıkelei bailanys ornatudy közdeidı.
Qazırgı uaqytta köru qabıletın tolyq qalpyna keltıru jäne adamnyŋ jaŋa spektrlerdı qabyldau mümkındıgı ǧylymi zertteu kezeŋındegı baǧyttardyŋ bırı bolyp sanalady.
