امەريكالىق كاسىپكەر يلون ماسك اقش كونگرەسىنە وتكەن ارالىق سايلاۋدىڭ العاشقى ناتيجەلەرى جاريالانعاننان كەيىن 60 ميلليارد دوللاردان استام قارجىسىنان ايىرىلدى. بۇل تۋرالى Financial Times باسىلىمى جازدى، دەپ حابارلايدى «ادىرنا» ءتىلشىسى.
«ارالىق سايلاۋ ماسكقا 60 ميلليارد دوللاردان استام شىعىن اكەلدى»، – دەلىنگەن حابارلامادا.
گازەتتىڭ باعالاۋىنشا، داۋىس بەرۋ قورىتىندىلارى جاريالانعان ءتۇنى كاسىپكەر سايلاۋدان ەڭ كوپ زارداپ شەككەن تۇلعالاردىڭ ءبىرى بولۋى مۇمكىن.
ايتا كەتەيىك، اقش كونگرەسىنە ارالىق سايلاۋ 3 قاراشادا ءوتتى. وكىلدەر پالاتاسىنداعى بارلىق 435 ورىن، ال سەناتتاعى 100 ورىننىڭ 35-ءى قايتا سايلاۋعا شىعارىلدى. امەريكالىق باق-تىڭ سوڭعى بولجامدارىنا سايكەس، دەموكراتيالىق پارتيا كونگرەستىڭ قوس پالاتاسىندا دا باسىمدىققا يە بولىپ وتىر.
بۇعان دەيىن جۋرناليست دجەننيفەر دجەيكوبس دونالد ترامپ رەسپۋبليكاشىلداردىڭ سايلاۋداعى ناتيجەسى ءۇشىن جاۋاپكەرشىلىكتى پەنتاگون باسشىسى پيت حەگسەتكە جۇكتەۋى مۇمكىن ەكەنىن حابارلاعان ەدى.
