ارمەنيانىڭ پرەمەر-ءمينيسترى نيكول پاشينيان مەن ونىڭ جەتەكشىلىگىندەگى ۇكىمەت رەسمي تۇردە وتستاۆكاعا كەتتى، دەپ حابارلايدى "ادىرنا" ۇلتتىق پورتالى.
Armenia Today جازۋىنشا، مينيسترلەر كابينەتى جاڭا سايلانعان ارمەنيا پارلامەنتى ءوز جۇمىسىنا كىرىسۋىنە بايلانىستى وكىلەتتىگىن توقتاتتى.
نيكول پاشينيان بۇل ءراسىم ارمەنيا كونستيتۋتسياسىنىڭ 158-بابىنا سايكەس جۇزەگە اسىرىلعانىن حابارلادى. ونىڭ ايتۋىنشا، ۇكىمەتتىڭ وتستاۆكاسى تۋرالى ءتيىستى وتىنىشكە قول قويىلىپ، قۇجات ارمەنيا پرەزيدەنتى ۆااگن حاچاتۋريانعا جولدانادى. مەملەكەت باسشىسى مينيسترلەر كابينەتىنىڭ وتستاۆكاسىن قابىلداۋى ءتيىس.
جاڭا ۇكىمەت جاساقتالعانعا دەيىن قازىرگى مينيسترلەر كابينەتى ءوز مىندەتتەرىن ۋاقىتشا اتقارا بەرەدى.
سونىمەن قاتار، پاشينيان پارلامەنتتەگى كوپشىلىك بۇگىن پرەزيدەنتكە پرەمەر-مينيستر لاۋازىمىنا ۇمىتكەردى ۇسىناتىنىن ايتتى. كونستيتۋتسياعا سايكەس، پرەزيدەنت پارلامەنت كوپشىلىگى ۇسىنعان كانديداتۋرانى كىدىرىسسىز پرەمەر-مينيستر قىزمەتىنە تاعايىنداۋى قاجەت.
