46-شى پرەزيدەنت دجو بايدەن ۆيتسە-پرەزيدەنت جانە دەموكراتيالىق پارتيانىڭ پرەزيدەنتتىككە ۇمىتكەرى كامالا حارريسكە دەگەن ماقتانىش پەن تاڭدانىسىن ءبىلدىردى، دەپ حابارلايدى "ادىرنا" ۇلتتىق پورتالى.
ول كامالانى «ادال ءارى باتىل تاڭعاجايىپ سەرىكتەس جانە مەملەكەتتىك قىزمەتكەر» دەپ اتادى.
بايدەن 2020 جىلى پرەزيدەنتتىككە كانديدات بولعان كەزىندەگى ەڭ العاشقى شەشىمدەرىنىڭ ءبىرى رەتىندە كامالانى ۆيتسە-پرەزيدەنتتىككە تاڭداۋ بولعانىن ەسكە سالدى. ەكس-پرەزيدەنتتىڭ پىكىرىنشە، حارريس ەلدىڭ ەركىن، ءادىل جانە بارلىق امەريكالىقتار ءۇشىن مۇمكىندىكتەرگە تولى بولۋىنا باعىتتالعان تاريحي ناۋقاندى باسقارعانىن ەرەكشە اتاپ ءوتتى.
سونىمەن بىرگە، بايدەن ءحارريستىڭ الداعى ۋاقىتتا دا ماقساتكەرلىكپەن، تاباندىلىقپەن جانە قۋانىشپەن كۇرەسىن جالعاستىرىپ، كوپتەگەن ۇرپاقتار بويى امەريكالىق بالالار ۇلگى الاتىن كوشباسشى بولاتىنىنا سەنىمدى ەكەنىن جەتكىزدى.
