وزبەكستان پرەزيدەنتى شاۆكات ميرزيوەۆ قىرعىز رەسپۋبليكاسىنىڭ پرەزيدەنتى سادىر جاپاروۆتىڭ شاقىرتۋىمەن 30 شىلدە كۇنى قىرعىزستانعا مەملەكەتتىك ساپارمەن باردى، دەپ حابارلايدى "ادىرنا" ۇلتتىق پورتالى.
قىرعىزستاننىڭ «ىستىقكول» حالىقارالىق اۋەجايىندا مارتەبەلى مەيماندى پرەزيدەنت سادىر جاپاروۆ قارسى الدى. رەسمي قارسى الۋ ءراسىمى قىرعىز حالقىنىڭ ۇلتتىق داستۇرلەرىمەن ۇيىمداستىرىلدى.
ساپار اياسىندا ەكى ەل باسشىلارى الدىمەن شاعىن قۇرامدا، كەيىن كەڭەيتىلگەن فورماتتا كەلىسسوزدەر وتكىزەدى. كەزدەسۋ قورىتىندىسى بويىنشا ەكىجاقتى ىنتىماقتاستىقتى دامىتۋعا باعىتتالعان بىرقاتار قۇجاتقا قول قويۋ جوسپارلانىپ وتىر.
سونىمەن قاتار شاۆكات ميرزيوەۆ ىستىقكول وبلىسىنىڭ شولپان-اتا قالاسىندا وتەتىن ورتالىق ازيا مەملەكەتتەرى باسشىلارى مەن ازەربايجان پرەزيدەنتىنىڭ بەيرەسمي كونسۋلتاتيۆتىك كەزدەسۋىنە قاتىسادى.
كەزدەسۋ بارىسىندا وڭىرلىك ىنتىماقتاستىقتى نىعايتۋ، ساۋدا-ەكونوميكالىق بايلانىستاردى كەڭەيتۋ جانە ءوزارا مۇددەلى وزەكتى ماسەلەلەردى تالقىلاۋ كوزدەلگەن.
