Özbekstan prezidentı Şavkat Mirziioev Qyrǧyz Respublikasynyŋ prezidentı Sadyr Japarovtyŋ şaqyrtuymen 30 şılde künı Qyrǧyzstanǧa memlekettık saparmen bardy, dep habarlaidy "Adyrna" ūlttyq portaly.
Qyrǧyzstannyŋ «Ystyqköl» halyqaralyq äuejaiynda märtebelı meimandy prezident Sadyr Japarov qarsy aldy. Resmi qarsy alu räsımı qyrǧyz halqynyŋ ūlttyq dästürlerımen ūiymdastyryldy.
Sapar aiasynda ekı el basşylary aldymen şaǧyn qūramda, keiın keŋeitılgen formatta kelıssözder ötkızedı. Kezdesu qorytyndysy boiynşa ekıjaqty yntymaqtastyqty damytuǧa baǧyttalǧan bırqatar qūjatqa qol qoiu josparlanyp otyr.
Sonymen qatar Şavkat Mirziioev Ystyqköl oblysynyŋ Şolpan-Ata qalasynda ötetın Ortalyq Aziia memleketterı basşylary men Äzerbaijan prezidentınıŋ beiresmi konsultativtık kezdesuıne qatysady.
Kezdesu barysynda öŋırlık yntymaqtastyqty nyǧaitu, sauda-ekonomikalyq bailanystardy keŋeitu jäne özara müddelı özektı mäselelerdı talqylau közdelgen.
