30 شىلدەدە جاپونيانىڭ Kiryu FM راديوستانتسياسى قازاقستاندىق ءانشى ديماش قۇدايبەرگەننىڭ شىعارماشىلىعىنا ارنالعان Music Forever باعدارلاماسىنىڭ ارنايى شىعارىلىمىن ۇسىنادى، دەپ حابارلايدى "ادىرنا" ءتىلشىسى.
Dimashnews.com مالىمەتىنشە، باعدارلاما اياسىندا ديماش قۇدايبەرگەننىڭ ورىنداۋىنداعى **«Aqerke»** حالىق ءانىنىڭ جاڭا نۇسقاسى العاش رەت راديو ەفيرىنەن بەرىلەدى. Kiryu FM راديوستانتسياسى جاپون تىڭدارماندارىن ديماش قۇدايبەرگەننىڭ شىعارماشىلىعىمەن 2020 جىلدان بەرى تانىستىرىپ كەلەدى. وسى ۋاقىت ىشىندە ەفيردە ءانشىنىڭ بارلىق جاڭا تۋىندىلارى ۇسىنىلىپ، ونىڭ شىعارماشىلىعىنا ارنالعان بىرنەشە ارنايى باعدارلاما دايىندالعان.
كەزەكتى Dimash Special شىعارىلىمى Dimash Japan Fan Club جانكۇيەرلەر كلۋبى وكىلدەرىنىڭ قاتىسۋىمەن ازىرلەنگەن. باعدارلاما بارىسىندا «Aqerke» انىمەن قاتار Love’s Not Over Yet, Kieli Meken, Love of Tired Swans, Daididau, Omir جانە Olimpico كومپوزيتسيالارى دا ەفيردەن ورىن الادى.
