سەگىز دۇركىن گرەممي سىيلىعىنىڭ يەگەرى، روك-ن-رولل حانشايىمى تينا تيورنەر 83 جاسىندا قايتىس بولدى. بۇل تۋرالى ءانشىنىڭ وكىلى Sky News-كە مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، ءانشى تسيۋريح ماڭىنداعى كيۋسناحت قالاسىندا ۇزاققا سوزىلعان ناۋقاستان كەيىن قايتىس بولعان.
ايتا كەتەيىك، تينا تەرنەر مۋزىكالىق مانسابىن 1958 جىلى باستادى. ونىڭ River Deep, Mountain High اندەرى كوپ تىڭدالىپ، ءانشى دە تانىلعان ەدى.
Rolling Stone جۋرنالى تەرنەردى زامانىمىزدىڭ ەڭ ۇلى انشىلەرىنىڭ ءبىرى دەپ اتادى. ول العاش رەت روك-ن-رولل داڭق زالىنا 1991 جىلى ايك تەرنەرمەن دۋەت رەتىندە كىردى جانە 2021 جىلى جەكە تۇلعا رەتىندە قابىلدانعان بولاتىن.
