كاسپي جاعالاۋىندا وتكەن ء«اDILET EVENT» Open Air مىڭداعان ادامنىڭ باسىن قوسقان مادەني شاراعا اينالدى. دۋماندى كەشتىڭ كۋاسى بولعان 10 مىڭنان استام تۇرعىن مەن قالا قوناعى ەلىمىزگە تانىمال جۇلدىزداردى تاماشالاسا، سوڭىنان ۇيىمداستىرىلعان دروندار شوۋى جيىلعان جۇرتتى ەرەكشە اسەرگە بولەدى، دەپ حابارلايدى "ادىرنا".
كوڭىلدى كەشتىڭ «ادىلەت» پارتياسى ۇيىمداستىرۋىمەن وتكەنىن ايتا كەتەيىك. پارتيانىڭ رەسپۋبليكالىق سايلاۋالدى شتابى ماڭعىستاۋ وبلىسىنداعى جۇمىس ساپارىن ەستە قالارلىقتاي ەتىپ قورىتىندىلاۋدى ءجون كورگەن. اشىق اسپان استىنداعى شارانىڭ نەگىزگى ماقساتى – قوعامداعى اۋىزبىرشىلىكتى نىعايتۋ، ۇلتتىق مادەنيەتتى ۇلىقتاۋ، جاستاردىڭ شىعارماشىلىق باستامالارىن قولداۋ جانە تۇرعىندارعا زاماناۋي مادەني كەڭىستىك ۇسىنۋ.
اپتانىڭ دۇيسەنبى كۇنىنە قاراماستان امفيتەاتر تولا جينالعان كوپشىلىك سادراددين، كامشات جولدىباەۆا، ءاmre سىندى ساحنا جۇلدىزدارىمەن بىرگە تانىمال اندەردى بىرگە شىرقاسا، ونىڭ ارتىنان جۇزدەگەن درون قازاقستاندىقتارعا جاقسى تانىس ۇراندار مەن ۇلتتىق نىشانداردى بەينەلەپ، اقتاۋ اسپانىن كومكەردى.
قاناتتى اپپاراتتار اۋەدە ەلىمىزدىڭ كارتاسىن، ازاتتىقتىڭ ايبىنىن ايشىقتايتىن قالىقتاعان قىراندى جانە مەملەكەتتىك تۋدى بەينەلەپ، كورەرمەندەردىڭ ىستىق ىقىلاسىنا بولەندى.
ەستەرىڭىزگە سالا كەتەيىك، ونىڭ الدىندا رەسپۋبليكالىق سايلاۋالدى شتاب مۇشەلەرى ءوڭىردىڭ ءتۇرلى ەڭبەك ۇجىمدارى جانە جۇرتشىلىقپەن مازمۇندى كەزدەسۋلەر وتكىزدى. پارتيا توراعاسى ايبەك دادەباي باستاعان دەلەگاتسيا اقتاۋ تۇرعىندارىمەن، «قازازوت» اق ۇجىمىمەن، اقتاۋ حالىقارالىق تەڭىز ساۋدا پورتىنىڭ قىزمەتكەرلەرىمەن، بالىق شارۋاشىلىعى جانە تەڭىز سەرۆيستىك ۇيىمدارىنىڭ وكىلدەرىمەن پىكىر الماستى. كەيىن جۇمىس جاڭاوزەندە جالعاسىپ، مۇنايشىلارمەن جانە ەڭبەك ەتىپ جۇرگەن جاستارمەن كەزدەسۋ ۇيىمداستىرىلدى.
كەزدەسۋلەر بارىسىندا «ادىلەتتى بولاشاق ءۇشىن» سايلاۋالدى باعدارلاماسىنىڭ باسىم باعىتتارى كەڭىنەن تانىستىرىلدى. اڭگىمە وزەگىنە ونەركاسىپ پەن مۇنايدى تەرەڭ وڭدەۋدى دامىتۋ، ەڭبەك ادامدارىنىڭ قۇقىقتارى، كاسىپكەرلىكتى قولداۋ، كاسپي ەكوجۇيەسى، جاڭا جۇمىس ورىندارى سىندى ءوڭىردىڭ وزەكتى ماسەلەلەرى ارقاۋ بولدى. سونىمەن قاتار تۇرعىنداردىڭ ۇسىنىستارى مەن كوتەرگەن ماسەلەلەرى جيناقتالىپ، رەسپۋبليكالىق سايلاۋالدى شتابتىڭ قاراۋىنا جولداناتىن بولدى.
ايتا كەتەيىك، ماڭعىستاۋ وبلىسىنا جاسالعان بۇل ساپار «ادىلەت» پارتياسىنىڭ وڭىرلىك ۇگىت-ناسيحات ناۋقانىنىڭ ەكىنشى كەزەڭى سانالادى. بۇعان دەيىن رەسپۋبليكالىق سايلاۋالدى شتاب تۇركىستان وبلىسىندا بولىپ، ءوڭىر جۇرتشىلىعىمەن بىرقاتار مازمۇندى كەزدەسۋلەر وتكىزگەن ەدى.
دايىنداعان:
«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
