اقتاۋدا 19-ىقشاماۋداننىڭ تۇرعىندارى بىرنەشە كۇننەن بەرى اۋىز سۋسىز وتىر، دەپ حابارلايدى "ادىرنا" ۇلتتىق پورتالى Lada باسىلىمىنا سىلتەپ.
11 ماۋسىم كۇنى تۇرعىندار پاتەرلەرىندە سۋدىڭ جوقتىعىنا نارازىلىق ءبىلدىرىپ، جولدى جاۋىپ تاستادى. وقيعا ورنىنا پوليتسيا، قالا اكىمى مەن كوممۋنالدىق قىزمەت وكىلدەرى اتتاندى. قالا اكىمدىگىنىڭ ءباسپاسوز قىزمەتى جاعدايعا قاتىستى تۇسىنىكتەمە بەردى.
"ەكىنشى قاباتتا دا سۋ قىسىمى جەتپەيدى. تۇراقتى شاعىمدار مەن ۋادەلەر ناتيجە بەرمەيدى", - دەيدى حالىق.
شاراسىزدانعان جەرگىلىكتى تۇرعىندار ماسەلەگە نازار اۋدارۋ ءۇشىن جولدى جاۋىپ تاستاعان.
ماڭعىستاۋ وبلىستىق پوليتسيا دەپارتامەنتىنىڭ قىزمەتكەرلەرى جولدى تازالاپ، تۇرعىنداردى جول جيەگىنە شىعۋدى سۇرادى. كولىك قوزعالىسى قالپىنا كەلتىرىلدى.
حالىققا قالا اكىمى ۇلىقبەك تناليەۆ پەن قجسا باسشىسى كەلگەن. شەنەۋنىكتەرمەن كەزدەسكەن تۇرعىندار ۇيلەرىنە تارقاستى.
