رەسەيدىڭ ورتالىق بولىگىندە قۇقىق قورعاۋ ورگاندارى سىرت كوزگە وتە سۇيكىمدى كورىنەتىن ەرەكشە «كۇدىكتىنى» قولعا ءتۇسىردى. مىسىق تۇرمە اۋماعىنا ەسىرتكى جەتكىزبەك بولعان، دەپ حابارلايدى "ادىرنا".
وقيعا نيجەگورود وبلىسىنداعى تۇزەۋ مەكەمەلەرىنىڭ ءبىرىنىڭ ماڭىندا بولعان. الدىن الا مالىمەت بويىنشا، مىسىق سول كولونيا اۋماعىندا جۇرەتىن بولعان. بەلگىسىز ادامدار وسىنى پايدالانىپ، تۇتقىندارعا ەسىرتكىنى مىسىق ارقىلى جەتكىزۋگە ارەكەتتەنگەن.
تىيىم سالىنعان زاتتار ماتاعا ورالىپ، مىسىقتىڭ موينىنا بايلانعان. قىزمەتتىك ءيتتىڭ كومەگىمەن ونىڭ ىشىندە شىنىمەن دە ەسىرتكى بولعانى انىقتالدى.
رەسەي فەدەرالدىق جازالاردى ورىنداۋ قىزمەتىنىڭ مالىمەتىنشە، تاركىلەۋدەن كەيىن ماماندار مىسىقتىڭ ەش جاراقات الماعانىنا كوز جەتكىزىپ، ونى ەركىندىككە جىبەرگەن.
ۇقساس جاڭالىقتار
