فرانتسيا ۋكراينا اۋماعىنا جاسالعان سوققىلاردان كەيىن رەسەگە قىسىمدى كۇشەيتەتىنىن مالىمدەدى, دەپ حابارلايدى «ادىرنا» ءتىلشىسى.
«فرانتسيا رەسەي قارۋلى كۇشتەرى جاساعان جاپپاي سوققىلاردى قاتاڭ تۇردە ايىپتايدى. ءبىز ۋكراينامەن، ونىڭ حالقىمەن جانە بيلىگىمەن ىنتىماقتاستىقتامىز»،-دەلىنگەن ءمينيسترلىڭ حابارلاماسىندا.
ءسىم ءپاريجدىڭ وداقتاستارىمەن بىرگە ۋكرايناعا كورسەتىلەتىن كومەكتى ارتتىرىپ، سوعىستى توقتاتۋ ماقساتىندا رەسەيگە جاسالاتىن قىسىمدى كۇشەيتەتىنىن جەتكىزدى.
ەسكە سالايىق، 14 قاراشاعا قاراعان ءتۇنى رەسەي اسكەرى كيەۆ قالاسىنا دروندار مەن بالليستيكالىق زىمىراندار ارقىلى شابۋىل جاساعان بولاتىن.
8 قازاندا رف قارۋلى كۇشتەرى باس شتابىنىڭ باستىعى ۆالەري گەراسيموۆ رەسەي اسكەرىنىڭ جوسپارعا ساي ۋكراينا قارۋلى كۇشتەرىنىڭ اسكەري نىساندارىنا جاپپاي سوققىلار جاساپ جاتقانىن مالىمدەدى. ونىڭ ايتۋىنشا، بۇل وپەراتسيالاردا ۇزاق قاشىقتىققا ارنالعان زىمىران كەشەندەرى مەن ۇشقىشسىز اپپاراتتاردى وندىرەتىن كاسىپورىنداردى جويۋعا باسىمدىق بەرىلەدى.
