رەسەيدىڭ سۆەردلوۆسك وبلىسىندا سينارسكي قۇبىر زاۋىتى ورتەنىپ جاتىر. ءورت اعاش كەسۋ تسەحىندا باستالعان، قازىر ونى سوندىرۋگە سەگىز ءورت ءسوندىرۋ كولىگى مەن 35 ادام جۇمىلدىرىلعان، دەپ حابارلايدى “ادىرنا” ۇلتتىق پورتالى.
توتەنشە جاعدايلار مينيسترلىگىنىڭ سۆەردلوۆ وبلىسى بويىنشا باس باسقارماسىنىڭ ءباسپاسوز قىزمەتىنىڭ حابارلاۋىنشا، ءورت سوندىرۋشىلەر جەتكەنشە تسەح اۋماعىنىڭ 600 شارشى مەترى جانىپ كەتكەن. سونىمەن بىرگە جالىن تەز تاراۋدا. ساعات 12:36-دا ءورتتى انىقتاپ، ءورتتىڭ تارالۋىن توقتاتۋ مۇمكىن بولدى.
فوتو: رەسەي توتەنشە جاعدايلار مينيسترلىگىنەن الىندى
ازىرگە زارداپ شەككەندەر تۋرالى اقپارات جوق. توتەنشە جاعدايلار مينيسترلىگى ءورت كەزىندە تسەحتا جۇمىسشىلار بولماعانىن، سوندىقتان ەۆاكۋاتسيالاۋ تالاپ ەتىلمەگەنىن اتاپ وتەدى.
“ادىرنا” ۇلتتىق پورتالى
