ارمەنيا پرەمەر-ءمينيسترى نيكول پاشينيان ماسكەۋدە وتەتىن 9 مامىرداعى جەڭىس شەرۋىنە قاتىسپايتىنىن مالىمدەدى، دەپ حابارلايدى "ادىرنا" ۇلتتىق پورتالى Themocsowtimes-قا سىلتەپ.
پاشينياننىڭ سوزىنشە، ول بۇل شەشىمى تۋرالى ۆلاديمير پۋتينگە 1 ساۋىردە رەسەيگە جاساعان ساپارى كەزىندە حابارلاعان.
ارمەنيا پرەمەر-ءمينيسترى شەرۋگە بارماۋ سەبەبىن ەلدەگى پارلامەنت سايلاۋىنا دايىندىقپەن بايلانىستىردى. ونىڭ ايتۋىنشا، قازىرگى ۋاقىتتا سايلاۋالدى ناۋقانعا جەكە قاتىسۋ ماڭىزدى. ارمەنيا ۇلتتىق جينالىسىنا سايلاۋ 7 ماۋسىمعا جوسپارلانعان. سايلاۋ قورىتىندىسى بويىنشا ەلدىڭ جاڭا پرەمەر-ءمينيسترى انىقتالادى.
رەسەيلىك اگەنتتىكتەردىڭ حابارلاۋىنشا، بيىل قىزىل الاڭداعى 9 مامىر شەرۋى 2007 جىلدان بەرى العاش رەت اسكەري تەحنيكاسىز وتەدى. كرەمل مەرەكەلىك شاراعا بىرنەشە شەتەلدىك كوشباسشىنىڭ قاتىساتىنىن مالىمدەگەن.
