قازاقستاننان 112 توننادان استام جانارمايدى زاڭسىز الىپ شىعۋ ارەكەتى توقتاتىلدى. بۇل تۋرالى ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«تەك وسى جىلدىڭ 1 - 21 شىلدەسى ارالىعىندا وتكىزۋ پۋنكتتەرىندە 112 توننادان استام كولەمدەگى جانار-جاعارماي ماتەريالدارىن زاڭسىز وتكىزۋدىڭ 1342 ارەكەتى تىركەلگەن. كىنالى ادامدار قازاقستان رەسپۋبليكاسىنىڭ قولدانىستاعى زاڭناماسىنا سايكەس جاۋاپقا تارتىلدى. بۇل ارەكەتتەر ەلدىڭ ەنەرگەتيكالىق قاۋىپسىزدىگىن قامتاماسىز ەتۋگە جانە ججم كولەڭكەلى اينالىمىنا جول بەرمەۋگە باعىتتالعان»،– دەلىنگەن حابارلامادا.
ۇقك اتالعان باعىتتاعى جۇمىستار جالعاسىپ جاتقانىن جەتكىزدى.
بۇعان دەيىن قازاقستاننان رەسەيگە 5 مىڭ توننا بەنزين جەتكىزىلگەنىن جازعان ەدىك.
ۇقساس جاڭالىقتار
