پرەزيدەنت توقاەۆ بۇۇ باس اسسامبلەياسىندا ۆلاديمير زەلەنسكيمەن كەزدەستى، دەپ حابارلايدى “ادىرنا” ۇلتتىق پورتالى.
بۇل تۋرالى اقوردا جازدى.
بۇۇ باس اسسامبلەياسىنىڭ 80-ءشى سەسسياسى اياسىندا وتكەن كەزدەسۋ بارىسىندا مەملەكەتتەر باسشىلارى ەكىجاقتى ەكونوميكالىق جانە گۋمانيتارلىق ىنتىماقتاستىق ماسەلەلەرىن تالقىلادى. سونداي-اق، ۆلاديمير زەلەنسكي ۋكرايناداعى جاعدايعا قاتىستى ءوز ۇستانىمىن جەتكىزدى.
پرەزيدەنت قاسىم-جومارت توقاەۆ قازىرگى كۇردەلى احۋالعا بايلانىستى پىكىر ءبىلدىرىپ، قاقتىعىستى توقتاتۋ ءۇشىن ديپلوماتيالىق جۇمىستاردى جالعاستىرۋدىڭ ماڭىزدىلىعىنا توقتالدى.
كەزدەسۋدەن ءتۇسىرىلىپ، تاراتىلعان ۆيدەودا ەكى پرەزيدەنتتىڭ اعىلشىن تىلىندە سويلەپ وتىرعانى بايقالادى.
كەزدەسۋدەن سوڭ ۋكراينا باسشىسى قازاقستان پرەزيدەنتىنە العىس ايتىپ، جەلىدەگى پاراقشاسىنا جازبا جاريالادى.
«قازاقستان پرەزيدەنتى قاسىم-جومارت توقاەۆپەن كەزدەستىم. قازىرگى نەگىزگى مىندەت – سەنىمدى قاۋىپسىزدىك كەپىلدىكتەرىمەن ادىلەتتى ءارى بەرىك بەيبىتشىلىككە قول جەتكىزۋ»، – دەپ حابارلادى زەلەنسكي.
ح پاراقشاسىنداعى جازبادا:
«ۋكراينانىڭ ەگەمەندىگى مەن اۋماقتىق تۇتاستىعىن قولداعانى ءۇشىن قازاقستانعا العىس بىلدىرەمىن»، – دەپ اتاپ ءوتتى زەلەنسكي.
