ورتالىق ازيا ەلدەرىنىڭ ىشىندە قازاقستان دەپۋتاتتارى ەڭ كوپ جالاقى الادى، ال وزبەكستان دەپۋتاتتارى ەڭ از جالاقى الادى. بۇل Asia-Plus اگەنتتىگىنىڭ زەرتتەۋلەرىنەن بەلگىلى بولدى، دەپ حابارلايدى “ادىرنا” ۇلتتىق پورتالى.
قازاقستاندىق دەپۋتاتتاردىڭ جالاقىسى 2050 اقش دوللارىنا (900 مىڭ تەڭگەدەن جوعارى) تەڭ ەكەنى اتاپ ءوتىلدى. تاجىكستان دەپۋتاتتارى – 688 دوللار (300 مىڭ تەڭگە), قىرعىزستان دەپۋتاتتارى – 500 دوللار (223 مىڭ تەڭگە). سوڭعى ورىندا وزبەكستان دەپۋتاتتارى 380 دوللار (170 مىڭ تەڭگە) جالاقىمەن تۇر. تۇركىمەنستان تۋرالى اقپارات بەرىلمەدى.
دەپۋتاتتاردىڭ جالاقىسى دا ەڭ تومەنگى جالاقىمەن سالىستىرىلدى. قىرعىز دەپۋتاتتارىنىڭ جالاقىسى ەلدە قابىلدانعان ەڭ تومەنگى جالاقىدان 30 ەسە جوعارى ەكەنى اتاپ وتىلسە، قازاقستاندىق دەپۋتاتتار 25 ەسە، تاجىكستان دەپۋتاتتارى 12,5 ەسە جوعارى.
دەرەككوز ۇسىنعان قوسىمشا اقپاراتقا سايكەس، بەلارۋس دەپۋتاتتارى 950 دوللار (423 مىڭ تەڭگە), ۇلىبريتانيا دەپۋتاتتارى 5 950 دوللار (2,6 ميلليون تەڭگە), رەسەيلىك دەپۋتاتتار 6 850 دوللار (3 ميلليون تەڭگە), ەۋروپارلامەنت دەپۋتاتتارى 7 500 دوللار (3,3 ميلليون تەڭگە) جالاقى الادى.
دەرەككوز: Asia-Plus
