چەحيانىڭ سولتۇستىك-شىعىسىنداعى حۋستوپەتسە ناد-بەكۆۋ قالاسىندا قۇرامىندا ۋلى بەنزول بار تسيستەرنالار پويىزى ورتەنىپ جاتىر. بۇل تۋرالى Idnes جاڭالىقتار پورتالى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ەڭ كەمى بەس تەمىرجول ۆاگونى مەن بەنزول تسيستەرنالارى ورتەنىپ جاتىر. ءورت لوكوموتيۆتى شارپىعان. جالىننىڭ بيىكتىگى شامامەن 20 مەترگە جەتەدى.
وقيعا ورنىنا ارنايى تەحنيكامەن بىرنەشە ءورت ءسوندىرۋشى بريگاداسى باردى. ءورت ءسوندىرۋ اۆياتسياسى شاقىرىلدى. حۋستوپەتسە ناد-بەكۆۋ قالاسىندا ەلەكتر قۋاتى جوق. قالا تۇرعىندارىنا ۇيلەرىندە قالىپ، بولمەلەردى جەلدەتپەۋ ۇسىنىلدى، سەبەبى بەنزولدىڭ جانۋىنان تۋىندايتىن ۋىتتى زاتتاردىڭ ۇيگە كىرۋى مۇمكىن. ءورتتىڭ سەبەپتەرىن پوليتسيا انىقتاپ جاتىر.
