اباي وبلىسىنداعى تۇزەۋ مەكەمەلەرىنىڭ بىرىندە سوتتالعان ادام وزىمەن ءبىر كامەرادا وتىرعان تۇتقىندى ءولتىردى، دەپ حابارلايدى “ادىرنا” ۇلتتىق پورتالى.
وقيعا تۋرالى ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى مالىمدەدى.
كوميتەتتىڭ ءباسپاسوز قىزمەتىنىڭ اقپاراتىنشا، قاقتىعىس قاۋىپسىزدىگى جوعارى رەجيمدەگى مەكەمەدە بولعان.
«جانجال بارىسىندا سوتتالعانداردىڭ ءبىرى ەكىنشىسىنە دەنە جاراقاتىن سالعان. العان جاراقاتتارىنىڭ سالدارىنان جابىرلەنۋشى وقيعا ورنىندا كوز جۇمدى. اتالعان دەرەك بويىنشا “ادام ءولتىرۋ” بابى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا تەرگەۋ جانە تەكسەرۋ جۇمىستارى جۇرگىزىلىپ جاتىر. مەكەمەدەگى احۋال تۇراقتى»، – دەپ حابارلادى قاجك ءباسپاسوز قىزمەتى.
كوميتەت باسشىلىعى تەرگەۋ بارىسىن ەرەكشە باقىلاۋعا العان.
