مەملەكەت باسشىسى قاتارعا بارىپ، ءامىردىڭ اكەسى شەيح حاماد بەن حاليفا ءال ءتانيدىڭ قايتىس بولۋىنا بايلانىستى كوڭىل ايتتى، دەپ حابارلايدى “ادىرنا” ۇلتتىق پورتالى.
اقوردانىڭ حابارلاۋىنشا، پرەزيدەنت شەيح حامادتىڭ قاتار مەملەكەتىن دامىتۋعا جانە ونىڭ حالىقارالىق بەدەلىن نىعايتۋعا قوسقان زور ۇلەسىن اتاپ ءوتتى.
“شەيح حاماد الەمدىك دەڭگەيدەگى مەملەكەت قايراتكەرى ءارى قازاق حالقىنىڭ شىنايى دوسى بولدى. ونىڭ ەسىمى قاتاردىڭ تاريحي جەتىستىكتەرىمەن تىعىز بايلانىستى”، – دەدى پرەزيدەنت توقاەۆ.
مەملەكەت باسشىسى شەيح حامادتىڭ قازاقستان مەن قاتار اراسىنداعى ىنتىماقتاستىقتىڭ دامۋىنا ەرەكشە ۇلەس قوسقانىن ايتتى. سونداي-اق ونىڭ باستاماسىمەن استانادا ءال-فارابي اتىنداعى مەشىت سالىنىپ، قازاقستان تاۋەلسىزدىگىنىڭ العاشقى جىلدارىندا بىرقاتار الەۋمەتتىك جانە ينفراقۇرىلىمدىق جوبالار جۇزەگە اسىرىلعانىن ەسكە سالدى.
قاتار ءامىرى شەيح تاميم بەن حاماد ءال تاني قازاقستان پرەزيدەنتىنە ارنايى كەلىپ، كوڭىل ايتقانى ءۇشىن العىس ءبىلدىرىپ، مۇنى ەكى ەل اراسىنداعى دوستىق پەن باۋىرلاستىقتىڭ بەلگىسى ەكەنىن جەتكىزدى.
ايتا كەتەيىك، بۇعان دەيىن يران اياتوللاسىن جەرلەۋگە قازاقستاننىڭ سىرتقى ىستەر ءمينيسترى ەرمەك كوشەرباەۆ قاتىسقان.
