الاياقتىق جاساعانى ءۇشىن سوتتالعان «اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆتىڭ جازاسى جەڭىلدەتىلدى. بۇل تۋرالى shyndyk.kz جازدى، دەپ حابارلايدى «ادىرنا» ءتىلشىسى.
قىلمىستىق-اتقارۋ جۇيەسى كوميتەتى ەكس-باسشىنىڭ جازاسىن ءۇي جاعدايىندا ەلەكتروندى باقىلاۋمەن وتەپ جاتقانىن جەتكىزگەن.
«سوت شەشىمىمەن وعان تاعايىندالعان جازا نەعۇرلىم جەڭىل جازا تۇرىنە اۋىستىرىلدى. سوتتالعاندارعا قاتىستى ماسەلەلەردى قاراۋ جانە شەشىم قابىلداۋ سوت ورگاندارىنىڭ ايرىقشا قۇزىرەتىنە جاتادى»، – دەپ جاۋاپ بەرگەن قاجك.
ەسكە سالايىق، 2024 جىلدىڭ مامىر ايىندا سوت ابىلاي مىرزاحمەتوۆتى اسا ءىرى كولەمدەگى الاياقتىق جاساعانى ءۇشىن كىنالى دەپ تانىعان بولاتىن. وعان بەس جىل مەرزىمگە باس بوستاندىعىنان ايىرۋ جازاسى تاعايىندالعاگ. سونىمەن قاتار سوت مىرزاحمەتوۆتىڭ 5,8 ملرد تەڭگە كولەمىندەگى مۇلكىن تاركىلەۋ تۋرالى شەشىم شىعارعان.
