فوتو:dimashnews
10–11 شىلدە كۇندەرى شىعىس قازاقستان وبلىسىنىڭ كاتونقاراعاي اۋدانىندا «التاي – تۇركى الەمىنىڭ التىن بەسىگى» اتتى حالىقارالىق مۋزىكالىق فەستيۆال ۇيىمداستىرىلۋدا. اۋقىمدى مادەني شاراعا قازاقستانمەن قاتار قىرعىزستان، وزبەكستان، موڭعوليا، ماجارستان، رەسەي جانە تۇركيادان كەلگەن ونەر ۇجىمدارى مەن ورىنداۋشىلار قاتىسۋدا.
فەستيۆال اياسىندا قازاقستاننىڭ حالىق ءارتىسى ديماش قۇدايبەرگەن وسكەمەن قالاسىنا كەلدى. ءانشى 11 شىلدە كۇنى وتەتىن گالا-كونتسەرتتە ارنايى كونتسەرتتىك باعدارلاماسىن ۇسىنباق.
مەرەكەلىك شارانىڭ العاشقى كۇنى بەرەل اۋىلىنداعى پاتشالار اڭعارىندا ورنالاسقان «پاتشالار جازىعى» تاريحي-مادەني كەشەنىندە باستالدى. قوناقتاردى وبلىستىق فيلارمونيانىڭ شىعارماشىلىق ۇجىمدارى قارسى الىپ، ء«تور التاي اقتانىن جىرلايدى» رەسپۋبليكالىق جىر فەستيۆالى مەن اقىن اقتان نۇرباەۆتىڭ رۋحىنا ارنالعان ادەبي-مادەني كەش ءوتتى.
11 شىلدەدە فەستيۆال باعدارلاماسى ودان ءارى جالعاسادى. قوناقتار التاي حالىقتارىنىڭ سالت-ءداستۇرى مەن مادەنيەتىن تانىستىراتىن «Altay Fest-2026» ەتنواۋىلىن تاماشالاي الادى. سونىمەن قاتار، ەلىمىزدىڭ 12 تانىمال اقىنى قاتىساتىن «اقتانىمىن التايدىڭ» رەسپۋبليكالىق ايتىسى ۇيىمداستىرىلادى.
فەستيۆالدىڭ قورىتىندى كەشى كاتونقاراعايداعى يپپودرومدا وتەدى. گالا-كونتسەرتتە قازاقستان مەن شەتەلدەن كەلگەن ونەرپازدار ساحناعا شىعىپ، ال كەشتىڭ باستى حەدلاينەرى ديماش قۇدايبەرگەن كورەرمەنگە ارنايى كونتسەرتتىك باعدارلاماسىن ۇسىنادى.
