پرەزيدەنتتىڭ كونستيتۋتسيالىق سوتقا جولداعان سۇراۋى قوعامدا كەڭ تالقىلانعان ماسەلەلەردىڭ بىرىنە اينالدى.
مەملەكەت باسشىسى 1995 جىلعى كونستيتۋتسيا بويىنشا مەملەكەتتىك قىزمەتكە سايلانعان نەمەسە تاعايىندالعان ادامنىڭ جاڭا كونستيتۋتسيا قابىلدانعاننان كەيىن سول قىزمەتكە قايتا سايلانا نەمەسە تاعايىندالا الاتىنى جونىندە تۇسىندىرمە بەرۋدى سۇراعان بولاتىن.
بۇل ماسەلەگە قاتىستى اسەت قاسەنعالي پىكىر ءبىلدىردى. ونىڭ ايتۋىنشا، مۇنداي سۇراۋ سالۋ جاڭا كونستيتۋتسيا قابىلدانعاننان كەيىن تۋىندايتىن قۇقىقتىق ماسەلەلەردى ناقتىلاۋ ماقساتىندا جاسالاتىن قالىپتى كونستيتۋتسيالىق ءراسىم.
«كەز كەلگەن مەملەكەتتە كونستيتۋتسيالىق وزگەرىستەر قابىلدانعاننان كەيىن مەملەكەتتىك باسقارۋ جۇيەسى جاڭا تالاپتارعا بەيىمدەلۋى ءتيىس. وسىنداي كەزەڭدە زاڭداردىڭ مازمۇنى ءتۇسىندىرىلىپ جاتادى. كەيدە بۇل كونستيتۋتسيالىق سوتقا جۇگىنۋ ارقىلى جۇزەگە اسادى. پرەزيدەنتتىڭ سۇراۋى دا وسى تۇرعىدان قاراستىرىلۋى كەرەك»، – دەيدى ساراپشى.
اسەت قاسەنعاليدىڭ سوزىنشە، جاڭا كونستيتۋتسيا كۇشىنە ەنگەننەن كەيىن بۇرىنعى كونستيتۋتسيا اياسىندا مەملەكەتتىك لاۋازىم اتقارعان تۇلعالاردىڭ مارتەبەسىنە قاتىستى قۇقىقتىق سۇراقتار تۋىنداعان. اتاپ ايتقاندا، ولاردىڭ قىزمەتىن جالعاستىرۋ نەمەسە قايتا تاعايىنداۋ ءتارتىبى جونىندە رەسمي تۇسىندىرمەنىڭ قاجەتتىلىگى بولعان.
ساراپشى مۇنداي ماسەلە ءبىر عانا مەملەكەتتىك ورگانعا ەمەس، سونداي-اق جوعارعى سوت، باس پروكۋراتۋرا سياقتى كونستيتۋتسيالىق لاۋازىمدارعا دا قاتىستى ەكەنىن اتاپ ءوتتى. ونىڭ پىكىرىنشە، بەلگىلى ءبىر قىزمەتتەردىڭ مەرزىمىنە جانە قايتا تاعايىندالۋ مۇمكىندىگىنە قاتىستى نورمالاردى ناقتىلاۋ قۇقىقتىق تۇرعىدان ماڭىزدى
