باتيقا ءبىلاش قاماۋدان بوساتىلىپ، ۇيقاماققا جىبەرىلدى، دەپ حابارلايدى "ادىرنا" ۇلتتىق پورتالى ازاتتىق راديوسىنا سىلتەپ.
بۇل اقپاراتتى ونىڭ ادۆوكاتى شىنقۋات بايجانوۆ راستادى. سوت باتيقا ءبىلاشتىڭ دەنساۋلىق جاعدايىن جانە كامەلەتكە تولماعان بالاسىنىڭ بارىن ەسكەرىپ، وعان قاتىستى بۇلتارتپاۋ شاراسىن وزگەرتۋ تۋرالى شەشىم قابىلداعان.
26 ماۋسىمعا قاراعان ءتۇنى الماتى وبلىسىندا پوليتسيا باتيقا ءبىلاشتىڭ ۇيىندە ءتىنتۋ جۇرگىزىپ، كەيىن ونى پوليتسيا بولىمىنە الىپ كەتكەن بولاتىن. سودان بەرى ول تەرگەۋ يزولياتورىندا بولعان.
ادۆوكاتتىڭ مالىمەتىنشە، باتيقا بىلاشكە قازاقستان رەسپۋبليكاسى قىلمىستىق كودەكسىنىڭ «الاياقتىق» بابى بويىنشا كۇدىك كەلتىرىلگەن. قورعاۋشى بۇل ايىپپەن كەلىسپەيتىنىن مالىمدەدى.
باتيقا ءبىلاش – اقش-تا تۇراتىن، شىڭجاڭداعى قۋعىن-سۇرگىن ماسەلەسىن كوتەرىپ جۇرگەن بەلسەندى جانە «اتاجۇرت» ۇيىمىن قۇرۋشىلاردىڭ ءبىرى سەرىكجان ءبىلاشتىڭ اپكەسى.
