قارجى مونيتورينگى اگەنتتىگى «Delta Bank» اق توپ-مەنەدجەرلەرىنە قاتىستى تەرگەۋدى اياقتادى، دەپ حابارلايدى “ادىرنا” ۇلتتىق پورتالى.
AFM مالىمەتىنشە، 2012-2017 جىلدار ارالىعىندا نۇرلان تىلەۋباەۆتىڭ (Forbes جۋرنالىنىڭ نۇسقاسى بويىنشا قازاقستاننىڭ ەڭ ىقپالدى بيزنەسمەندەرى رەيتينگىنە ەنگەن) انىق قايتارىلمايتىن نەسيەلەر بەرۋ ارقىلى بانك قاراجاتىن تارتىپ العانى انىقتالدى.
«تەرگەۋ بارىسىندا كۇدىكتىلەر مەن ولاردىڭ جاقىن تۋىستارىنىڭ 5 قانت زاۋىتىندا، 20-دان استام جەر تەلىمىندە، 70 جىلجىمايتىن مۇلىك وبەكتىسىندە جانە 40 كولىكتە قۇنى 48 ميلليارد تەڭگەدەن اساتىن مۇلكى تاركىلەندى»، - دەلىنگەن مينيسترلىكتىڭ حابارلاماسىندا.
سونىڭ ىشىندە ءباا، رەسەي، لاتۆيا جانە چەحيادا ورنالاسقان اكتيۆتەرى قاماۋعا الىندى.
قىلمىستىق ارەكەتتەن كەلگەن شىعىن 200 ميلليارد تەڭگەدەن استام، 200 ميلليون اقش دوللارى جانە 4 ميلليون ەۋرونى قۇرادى.
قازىرگى ۋاقىتتا قىلمىستىق ءىس سوتقا جىبەرىلدى. ءىس بويىنشا ايىپتالۋشىلار قاماۋدا وتىر.
“ادىرنا” ۇلتتىق پورتالى
