ۇلىتاۋ وبلىسىندا جاستارمەن «تازا قازاقستان – ەلگە دەگەن قۇرمەت» تاقىرىبىندا كەزدەسۋ ءوتتى. ءىس-شارانىڭ نەگىزگى ماقساتى – جاستار اراسىندا ەكولوگيالىق مادەنيەتتى قالىپتاستىرۋ، قورشاعان ورتانى قورعاۋعا دەگەن جاۋاپكەرشىلىكتى ارتتىرۋ جانە تۋعان جەردىڭ تازالىعىن ساقتاۋدىڭ ماڭىزدىلىعىن ناسيحاتتاۋ بولدى.
كەزدەسۋ بارىسىندا قورشاعان ورتانى قورعاۋ، قوعامدىق ورىندارداعى تازالىقتى ساقتاۋ، تابيعاتتى ايالاۋ جانە ەكولوگيالىق مادەنيەتتى قالىپتاستىرۋ ماسەلەلەرى كەڭىنەن تالقىلاندى. سونىمەن قاتار، قاتىسۋشىلاردىڭ ءبىلىمىن شىڭداۋ ماقساتىندا «تازا قازاقستان» تاقىرىبىندا تانىمدىق كۆيز وتكىزىلدى. كۆيز بارىسىندا جاستار ەكولوگيا، تابيعاتتى قورعاۋ، قالدىقتاردى سۇرىپتاۋ جانە ەكولوگيالىق مادەنيەتكە قاتىستى سۇراقتارعا جاۋاپ بەرىپ، ءوز بىلىمدەرى مەن بەلسەندىلىكتەرىن كورسەتتى.
ءىس-شارا اياسىندا قاتىسۋشىلارعا «تازا قازاقستان» رەسپۋبليكالىق ەكولوگيالىق اكتسياسىنىڭ ماقسات-مىندەتتەرى، قورشاعان ورتانى قورعاۋ، ەكولوگيالىق مادەنيەتتى قالىپتاستىرۋ جانە قوعامدىق ورىنداردا تازالىقتى ساقتاۋ قاعيدالارى قامتىلعان اقپاراتتىق-ءتۇسىندىرۋ بروشيۋرالارى تاراتىلدى. سونداي-اق، جاستارعا تابيعاتتى ايالاۋ، ەكولوگيالىق جاۋاپكەرشىلىكتى ارتتىرۋ جانە تۋعان ولكەنىڭ تازالىعىن ساقتاۋدىڭ ماڭىزدىلىعى جونىندە ءتۇسىندىرۋ جۇمىستارى جۇرگىزىلدى.
كەزدەسۋ سوڭىندا بارلىق قاتىسۋشىلارعا بەلسەندىلىكتەرى ءۇشىن العىس ءبىلدىرىلىپ، «تازا قازاقستان» ەكولوگيالىق اكتسياسىنىڭ ماقساتتارىن قولداۋعا، قورشاعان ورتانى قورعاۋعا جانە ەلدى مەكەندەردىڭ تازالىعىن ساقتاۋعا بەلسەندى اتسالىسۋعا شاقىرىلدى.
