ۇلىتاۋ وبلىسى اكىمىنىڭ ورىنباسارى نۇرتاس كارىپباەۆتىڭ قاتىسۋىمەن وڭىرلىك كوممۋنيكاتسيالار الاڭىندا ءباسپاسوز بريفينگى ءوتتى. كەزدەسۋ بارىسىندا ءوڭىردىڭ الەۋمەتتىك-ەكونوميكالىق دامۋى، ينۆەستيتسيالىق احۋالى مەن الداعى ءىرى جوبالار تۋرالى كەڭىنەن باياندالدى.
بەلگىلى بولعانداي، 2026 جىلدىڭ قاڭتار–ناۋرىز ايلارىندا وبلىسقا تارتىلعان ينۆەستيتسيا كولەمى 40,6 ملرد تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 1,7 ەسەگە ارتقان. بۇل كورسەتكىش ءوڭىردىڭ ينۆەستيتسيالىق تارتىمدىلىعىنىڭ ارتىپ كەلە جاتقانىن ايقىن كورسەتەدى.
بيىل وبلىستا جالپى قۇنى 11,8 ملرد تەڭگەنى قۇرايتىن، 200-گە جۋىق جاڭا جۇمىس ورنىن اشۋعا مۇمكىندىك بەرەتىن 4 ءىرى جوبانى ىسكە قوسۋ جوسپارلانعان.
سونىمەن قاتار، قازىرگى ۋاقىتتا قۇنى 49 ملرد تەڭگەنى قۇرايتىن ءىرى ەنەرگەتيكالىق جوبا پىسىقتالۋدا. PetroKazakhstan كومپانياسىمەن بىرلەسىپ، ەنەرگيا ساقتاۋ جۇيەسىمەن جابدىقتالعان قۋاتى 100 مۆت جەل ەلەكتر ستانتسياسىن سالۋ جوسپارلانعان. جوبا اياسىندا 24 جاڭا جۇمىس ورنى اشىلادى.
ۇلتتىق تسيفرلىق ينۆەستيتسيالىق پلاتفورما اياسىندا وڭىردە جالپى سوماسى 558 ملرد تەڭگەنى قۇرايتىن 38 ينۆەستيتسيالىق جوبا قالىپتاستىرىلعان. اتالعان جوبالار 2030 جىلعا دەيىن كەزەڭ-كەزەڭىمەن جۇزەگە اسىرىلادى. ناتيجەسىندە ەكى مىڭنان استام جاڭا جۇمىس ورنى اشىلادى دەپ كۇتىلۋدە.
اۋىل شارۋاشىلىعى سالاسىندا دا اۋقىمدى جۇمىستار قولعا الىنعان. 2026–2027 جىلدارعا ارنالعان جالپى قۇنى 18 ملرد 573 ملن تەڭگەنى قۇرايتىن 12 جوبادان تۇراتىن ارنايى پۋل جاساقتالعان.
بريفينگ بارىسىندا ۇلىتاۋ وبلىسىندا جۇمىس ىستەيتىن ينۆەستورلارعا قىزمەت كورسەتۋ ورتالىعىنىڭ قىزمەتى دە اتاپ ءوتىلدى. فرونت-وفيس ماماندارى جەرگىلىكتى كاسىپكەرلەرمەن جانە شەتەلدىك كومپانيالارمەن تۇراقتى تۇردە كەزدەسۋلەر وتكىزىپ، ينۆەستيتسيالىق، يندۋستريالىق-يننوۆاتسيالىق جانە كوممەرتسيالىق باعىتتار بويىنشا كەڭەس بەرەدى. قازىرگى تاڭدا جالپى قۇنى 141,3 ملن اقش دوللارىنان اساتىن 5 الەۋەتتى ينۆەستوردىڭ جوبالارى سۇيەمەلدەنۋدە.
ساتباەۆ قالاسىندا يندۋستريالىق ايماق قۇرۋ جوباسى دا بەلسەندى جۇزەگە اسىرىلىپ جاتىر. 2025 جىلى باستالعان جوبا اياسىندا ينجەنەرلىك-كوممۋنيكاتسيالىق ينفراقۇرىلىم تارتۋ جۇمىستارى جۇرگىزىلۋدە. بۇل جۇمىستار 2026 جىلدىڭ ماۋسىم ايىنىڭ سوڭىنا دەيىن اياقتالادى دەپ جوسپارلانعان. قازىرگى تاڭدا يندۋستريالىق ايماقتا رەزەڭكە جابىندىلار، قۇرىلىس ماتەريالدارى، مويىنتىرەكتەر، شىنىپاكەتتەر ءوندىرۋ جانە قويمالىق ينفراقۇرىلىم سالالارى بويىنشا بىرنەشە ينۆەستور قىزىعۋشىلىق تانىتۋدا.
2026 جىلعى 27 ناۋرىزدا قىتاي حالىق رەسپۋبليكاسىندا ۇلىتاۋ وبلىسىن قولداۋعا باعىتتالعان جالپى قۇنى 12,5 ملرد تەڭگەنى قۇرايتىن 6 مەموراندۋمعا قول قويىلدى. قۇجاتتار تۇرعىن ءۇي-كوممۋنالدىق ينفراقۇرىلىمدى جاڭعىرتۋ، مەتاللۋرگيالىق شلاكتاردى قايتا وڭدەۋ جانە اگروونەركاسىپ كەشەنىن دامىتۋ باعىتتارىن قامتيدى. وسى كەلىسىمدەردىڭ ناتيجەسىندە سيان قالاسىندا ۇلىتاۋ وبلىسىنىڭ وكىلدىگى اشىلدى.
وڭىردە تۇرعىن ءۇي قورىن جاڭعىرتۋ ماسەلەسىنە دە ەرەكشە نازار اۋدارىلىپ وتىر. وسى ماقساتتا تۇرعىن ءۇي قورىن رەنوۆاتسيالاۋدىڭ جاڭا بىرىڭعاي باعدارلاماسى ازىرلەندى. تالداۋ ناتيجەسىندە وبلىستاعى 1 545 كوپقاباتتى تۇرعىن ءۇيدىڭ 457-ءسى توزىعى جەتكەن، ال 63-ءى اپاتتى جاعدايدا ەكەنى انىقتالعان.
سونداي-اق جەزقازعان قالاسىندا بۇرىنعى توقىما فابريكاسىنىڭ عيماراتىن قايتا جاڭعىرتۋ جوباسى جۇزەگە اسىرىلۋدا. قازىرگى تاڭدا ينۆەستور بەكىتىلگەن جوبالىق-سمەتالىق قۇجاتتاماعا سايكەس قۇرىلىس-مونتاج جۇمىستارىن جۇرگىزۋدە. نىسان ءۇش بلوكتان تۇرادى. بولاشاقتا مۇندا دامۋ ينستيتۋتتارى، قوناق ءۇي، مەيرامحانا، اۋماقتىق ۇيىمداردىڭ كەڭسەلەرى، سونداي-اق شاعىن جانە ورتا بيزنەسكە ارنالعان كوممەرتسيالىق جانە كەڭسە ورىندارى ورنالاستىرىلادى.
