پرەزيدەنت قاسىم-جومارت توقاەۆ ۆاشينگتونعا جۇمىس ساپارىمەن باردى. بۇل تۋرالى بۇگىن، 19 اقپاندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ۆاشينگتوندا قاسىم-جومارت توقاەۆ امەريكا قۇراما شتاتتارىندا تۇراتىن جانە ءبىلىم الىپ جۇرگەن قازاقستان ازاماتتارىمەن كەزدەستى.
اڭگىمەلەسۋ بارىسىندا پرەزيدەنت وسكەلەڭ ۇرپاققا ۇلكەن ءۇمىت ارتاتىنىن ايتتى. سونداي-اق مەملەكەت جاستارعا ۇدايى قولداۋ كورسەتىپ، ولاردىڭ جان-جاقتى دامۋىنا جانە قابىلەت-قارىمىن ۇشتاۋعا قولايلى جاعداي جاسايتىنىن جەتكىزدى.
پرەزيدەنت ناۋرىز ايىندا قازاقستان رەسپۋبليكاسىنىڭ جاڭا كونستيتۋتسياسى جوباسى بويىنشا وتەتىن جالپىحالىقتىق رەفەرەندۋمنىڭ ەل بولاشاعى ءۇشىن تاريحي ماڭىزى زور ەكەنىنە نازار اۋداردى.
ستۋدەنتتەر مەن جاس زەرتتەۋشىلەر عىلىم جانە ءبىلىم سالاسىنا جان-جاقتى قولداۋ كورسەتكەنى ءۇشىن قاسىم-جومارت توقاەۆقا ريزاشىلىق ءبىلدىردى.
ايتا كەتەيىك، بۇل ساپاردىڭ اياسىندا مەملەكەت باسشىسى بەيبىتشىلىك كەڭەسىنىڭ العاشقى وتىرىسىنا قاتىسىپ، بىرقاتار ەلدىڭ كوشباسشىلارىمەن، سونداي-اق اقش-تىڭ رەسمي تۇلعالارىمەن كەزدەسۋ وتكىزەدى.
