ۇلىتاۋ وبلىسى اكىمىنىڭ كەڭەسشىسى بولىپ تورعىن ەسكەندىروۆا ء(ابۋشاحمان) تاعايىندالدى، دەپ حابارلايدى «ادىرنا» ءتىلشىسى.
تورعىن تولەگەنقىزى 1993 جىلى جەزقازعان وبلىسى جاڭاارقا اۋدانىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا» جانە اتالعان ۋنيۆەرسيتەتتىڭ ماگيستراتۋراسىن «حالىقارالىق جۋرناليستيكا» ماماندىقتارى بويىنشا تامامداعان. ە. ا. بوكەتوۆ اتىنداعى قاراعاندى ۇلتتىق زەرتتەۋ ۋنيۆەرسيتەتىن «قۇقىقتانۋ» ماماندىعى بويىنشا اياقتاعان.
پولشانىڭ ادام ميتسكەۆيچ اتىنداعى ۋنيۆەرسيتەتىندە تاجىريبەدەن وتكەن.
ءار جىلدارى «ADAM Media Company» جشس تەلەۆيزيالىق جوبالارىندا PR-مەنەدجەر، رەداكتور، قازاقستان رەسپۋبليكاسىنىڭ «سالتانات» مەملەكەتتىك بي انسامبلىندە مەنەدجەر، ءال-فارابي اتىنداعى قازاق ۇلتتىق ۋنيۆەرسيتەتى، يۋنەسكو حالىقارالىق جۋرناليستيكا جانە قوعامدىق مەديا كافەدراسىندا وقىتۋشى، «Adyrna.kz» اقپارات اگەنتتىگىندە شەف-رەداكتور، جەزقازعان قالاسى اكىمدىگىنىڭ ءباسپاسوز حاتشىسى، ىشكى ساياسات بولىمىندە باس مامان، سەكتور مەڭگەرۋشىسى، قر سوت اكىمشىلىگىندە ينسپەكتور، قر سوت اكىمشىلىگى ۇلىتاۋ وبلىسى بويىنشا دەپارتامەنتى ءباسپاسوز قىزمەتى ءبولىمىنىڭ باسشىسى بولعان.
وسى تاعايىنداۋعا دەيىن ۇلىتاۋ وبلىسى قوعامدىق دامۋ باسقارماسىندا ءبولىم باسشىسى لاۋازىمىن اتقارعان.
